Black Lives Matter Pawl Lamzawhnak Nih USA Covid-19 An Karh Terh Chinchin Cang

US State Cheukhat Ah Coronavirus A Karh Than.US le Canada ramri Idaho, Arkansas, Missouri, Kansas, Texas, California le Florida ah Coronavirus a karh caah a thar in an rengh than hna. June 19 in June 20 chungah a let hnih a karh an ti. Black Lives Matter pawl lamzawhnak nih atu bantuk in zawtnak a karhter a si lai tiah an zumh. Asinain ttanh hlei ngei CNN le main stream media le Washington post tibantuk pawl nih cun an hna an I cheh I, an chim duh lo. US ramchungah virus a zor biknak cu Rhode Island le Connecticut a si an ti.

 

Hi hna Black Live matter pawl nih US mipi a phunphung in an lungsii vangin an chiah cang ko hna.An duhnak an hmuitimh zong fiangte an lamngter fawmlo lampi ah inn le lo dawr motor car hrawk le mipi lungrethei pek menmen in an um ko.Anmah tein Security an I chiah,US police pawl cheukhat an kut in an thlak hna an thawl hna an motor mei in an khanh piak hna,US dawr nganngan an boh thil tampi an fir US cu hnahnawh nak an pek taktak asi.

Thawngpang dang relchap<<Ministry Of Health and Sport nih report a pek  ning ahcun a tu tiang ahhin Myanmar ram i Covid-19 in a damlo mi hi 300 hrawng an si cang tiah report an pek a tuni 28 June zong ahkhan a damlo mi New cases 3 kan hmuh than hna tiah an ti Myanmar ram hi a dam lomi hi nikhat hnu nikhat an tam chim leng mang ko, ramdang bantuk in voikhat ah mi tampi cu case thar an hmuh lo nain nikhat ah Pakhat hnih lengmang cu an hmuh peng ko hna caah Myanmar ram cu a hna a hngam kho tak tak rih lo ti a lang.

Myanmar ram hi china he aa neih mi ram a si caah i tlawnkainak cu phih chung rih ko hna hmanh sehlaw a thil tein a lut mi hi an um pah len tiah report petu hna nih an chim, a tuni a zawmi mithar an hmuh mi hna hi ramdang lei in a rak tlung mi thiam thiam an si .A tuni 28 june thla ah Mizaw pathum an hmuh mi hna hi Pakhat cu kum-15 mi a si i thailand in a rak kir mi a si, mi pahnih hi India lei in a rak kir mi an si, india zong hi vawlei cung minung tam ngainak ram a si caah India ram khualipi New delhi zong ah mi zaw an karh ngai te tiah the time Of Inida nih a langter, Myanmar ram i Covid -19 cases thar hmuh mi hna hi ramdang lei in a rak kir mi deuh lawngte an si caah a cozah nih ramdang lei in Myanmar ram ah luh hi phi rih seh tiah Mi tampi nih an duhnak an langter cio.

Hi Golbal Pandemic hi ram 188 ah a karh cang i, Vawlei cung Minung 498,000  nih an thih pi cang i  minung 9.9 million nih hi zawtnak hi an tuar cang tiah Johns Hopkins Coronavirus Resource Center nih a langter. Hi zat minung renglo nihhin hi zawtnak hi an tuar cang caah nang Pathian nih dam tein an veng peng caah Pathian sin ah lawmnak bia chim kha Philh hrim hrim hlah tiah ctialtu ne in siaherhnak he ka van tial ve , ka lawm.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Black Lives Matter Pawl Lamzawhnak Nih USA Covid-19 An Karh Terh Chinchin Cang"

Leave a comment

Your email address will not be published.


*


error: Content is protected !!