Border a sak mi zoh ding in a kal hlan ah a bia chim mi cu Democrat pawl caah cohlan a har ngai

Trump uar um ning cu chim tam poah le uar um chin an ti mi kha  dik bak ko. Trump hi pasal, paraltha bak a si. Mah bantuk in Trump nih raltha tein bia a chim ngam mi cu mak an ti ngai

President Trump cu Mexico Border Wall zoh ding in tu Ni ah Texas lei ah a kal cang a kal cang, January 6 Capitol Hill riots hnu ah mipi hmaiah bia a chim hmasa bik a si.

Tu ni ah House ah Nancy Pelosi nih Vice President Mike Pence cu President Trump hi President Office in thawl khawhnak lam an ti mi 25th Amendments Resolution cu house ah a chuah pi cang lai

Mike Pence nih a duh zawng duh lo zawng ah 25the Amendment cu a kalpi cang lai, Mah 25th Amendment hmang ding in Trump Cabinet 15 lakah a tlawm bik ah 9 nih an cohlan a hau

Nancy Pelosi le Schumer nih Ni 9 hrawng lawng a um mi caan zong President Trump tuan ter an duh lo i, Trump President sinak cu a rang kho in lak piak an nih tim

President Trump, White House Alamo, Texas, the Mexican border zoh ding in Air Force One a cit hlan ah, a chim mi cu, January Ni 6 ah ka bia chim mi cu Media pawl le TV pawl nih an mah nih duh ning bantuk in an ka thleng piak

Mah bantuk in Newspaper le TV nih ka bia chim mi an thleng dih caah mipi zong nih ka bia chim lo mi, TV le News Paper nih an ka thleng piak mi cu an zum cang, tiin a chim

Mah bantuk in Democrat pawl nih Impeachment heh tiah an buaipi mi cu ceilak in a soisel than hna i, US US history ah Witch Hunt nganbik a si lai tiin a chim.

Politcs History ah Witch Hunt tam bik, hrut rian ngan tuk mi, Impeachmentnih hin thinhunnak men men a chuahpi.

Nancy Pelosi & Chuck Schumer nih Impeachment heh tiah an buaipi mi hi US ram chungah buainak lam an kal men men a si. Buainak/Violence ka duh lo. ” tiin a chim. Source-RTK