Breaking News – Hakhathar ah kawl ralkap nih thil fih nung tuk mi an tuah hoi

Hakhathar Lamton ah Motor Tampi Ralkap nih an Hren Hna. Hakhathar lamton (၆ လမ်းဆုံ) ah nihin zanlei sml. 3:30 hrawng thawk in ralkap nih Kalay lei in a rak kaimi motor pawl an kham hna i khualtlawng pawl i an phone tibantuk tiang in an check hna.

“Khualtlawng motor cheukhat cu an langhter cang ko hna,” tiah khuami pakhat nih The Chin Journal ah a chim.

Atu ca kan ttial tiang ah motor cheukhat an hrenmi zong an um rih i, zeibantuk motor dah an si ti bel fiang in kan thei kho lo. The Chin Journal

Nizan Kalay ah a Nunnak a Liammi Chinmi Pawl Ruakthlahnak an Tuah. April 7, Kalaymyo, Tahan ah Myanmar ralkap kut in a nunnak a liammi Pu Van Tha Thang, Pu Sangtea, Salai Lal Dan Sang le Salai Tluang Tin Lian hna i ruakthlahnak cu nihin ah an tuah hna.

April 7, Kalaymyo ah minung 12 an nunnak a liam. Minung 18 an tlaih hna i munung 35 hrawng hliamhma an pu, tiah thawng kan theih. The Chin Journal

Be the first to comment on "Breaking News – Hakhathar ah kawl ralkap nih thil fih nung tuk mi an tuah hoi"

Leave a comment

Your email address will not be published.


*