Breaking news – India Ram Mahandara Sizung Meikang Ah Naute Pa 10 An Thi

India ram maharshtra ramkulh Mahandara khuapi sizung cu tuchun january ni 9 zanlei nazi 2:00 ah a kang i naute chuakka te a si mi minung pa 2 cu sizung riantuan tu pawl nih an chanhmanh hna nain, minung pa 10 cu chanh manh loin an thi tiah sibawi Pramod Khandate nih thawngthanh nak a tuah.

Hi meikangh ruang i thihnak a tong mi naute pawl cu, thla a tling rih lo mi le, thlathum minung lawng an si hna tiahnthawng an thanh.

Hi meikangh mi hi zeiruang ah dah a kangh timi hi theih a si rih loh, asinain, cu meikang cu riantuan tu pawl nih an si khawh chung in an hmih khawh i meikhu a zual tuk caah naute a chuakka mi pawl cu an thih nak a si tiah sibawi nih cun a chim.

Sizung i tuanvo a neitu nurse pawl nih cun, naute chiah nak pawl inn a kangh bak cun meithat tu pawl a rianran nak in an chimh colh hna. meithat pawl nih cun indang tleihchih lo ding in an hmih i midang zong hmundang ah an thawn hna.

Cunglei riantuan tu pawl nih cun meikangh an theih bak in felfai deuh in tuanvo an lak nak ding ah cun an chimhcolh hna. India ramchung i meikang a zual cem nak hi 2011 i kalkata khuapi i meikang mi kha a si i culio ah cun minung 90 an rak thi.

2020 August thla chung zong ah Ahmedabad khuapi u sizung meikang ruang ah Covid -90 zawtnak tuamhlawm mi minung pa 8 an thi.Cuhlei ah November thlachung zong ah Rajkot khuapi i clinic pakhat meikang mi ah Covid – 90 zawtnak a nei mi minung pa 5 an thi.

Be the first to comment on "Breaking news – India Ram Mahandara Sizung Meikang Ah Naute Pa 10 An Thi"

Leave a comment

Your email address will not be published.


*