Breaking News : Malaysia Ah Chinmi Ruak An Char

Malaysia ram , Cheras peng Taman Len Sen ah Chinmi pakhat cu a ihnak ihkhun ah thi cia in char a si i zeiruang ah dah a thih zeitin dah a thihning a si timi theih a sirih loh i, palik lei nih dothlat nak an neih cuahmah lio a si.

Amah cu Chin ramkulh Mindat peng Madartar khuami a si i Malaysia ah Dai Community i a um mi a si. A card an zohpiak piak i a min cu, Ling Thang Mana ( kum 32 ) mi a si. January 16 ah thi cia in a ih nak hmunah hmuh a si i Malaysia Myanmar Rescue team nih zeizong vialte an buaipi dih.

Tu ahcun a thih nak a ruang hi fiangten theih a si rih lo ruang ah,Malaysia palik nih Salai Ling Thang Mana i ruak cu sizung ah an kalpi i a thihnak a ruang theihkhawh ding in sizung ah a ruak cu check nak an neih cuahmah lio a si.

Malaysia Cheras ah Chinmi tampi an um tiah theih a si i Salai Ling Thang Mana umnak Taman Len Sen zong ah Chinmi an um tamngai hna tiah thawngtheih a si. Tutan ah Salai Ling Thang a ihnak hmunah thi cia in an hmuh mi cu, tuanvo ngeitu nih an buaipi. ( Myanmar Social Welfare Association (Malaysia)

Be the first to comment on "Breaking News : Malaysia Ah Chinmi Ruak An Char"

Leave a comment

Your email address will not be published.


*