Breaking News : Tuchun Thawngpang Lungphur Motor Nih Minung 15 A Rial Hna I An Nunnak A Liam

Minung Pa 12 Cu A Hmun Bak Ah An Thi Colh India, Gujarat: lampawng i riantuan pawl a it lio mi pawl cu, Lungphur mi mawṭaw nih a rial hna i minung 15 an thi.

January 19, Caw nihnih ni zingka i thilcang mi a si i,minung 12 cu a hmun bak ah an thi. Minung pariat cu Siizung ah an tlikpi hna i minung pathum cu hliamhma tuar kho lo in Siizung ah an thi.

“Zingka te ah hithil hi a cang mi a si. A hmailei i a rami mawtaw nih futluan a phur i mahcucu truckpi nih cun a hnurchih sual. Truckpi cu control kholo in lampawng ah a pial i lampi i rian a tuan mi pawl an riahbuk cu a va pah chih.

“A hmun ah minung 12 an thi colh. Minung pathum cu Siizung ah an thi. Nu pa 8, pa 6 le naute pakhat an si. An zatein minung 15 an si” tiah Surat district i palik bawi Varadbhai Patel nih a chim.

Image

Hikong he pehtlai in India Prime Minister Narendra Modi nih cun chiatnak a tong mi hna a tuarpi nak hna kong cu a langh ter i, Vanchiat nak a tong mi chungkhar hi an zapi ten bomhnak ka pek dih hna lai tiah a chim.

India ram ah hin mawṭaw Exsident nak a chuak lengmang i, an puh cem mi cu lam a that lo le motor mawngtu pawl i daithlan tuk ruang ah a si an ti.

Image

Kum 2019 chung zohkir sal nih mawṭaw Exsident nak dothlat nak an neih nak ah motor Exsident nak ruang i a thi mi hi nikhat ah minung 410 an um i a nazi zawng in tuak ah cun nazi pakhat ah minung 17 an thi tiah TIO nih a langh ter.

Credit : Falam Online Media

Be the first to comment on "Breaking News : Tuchun Thawngpang Lungphur Motor Nih Minung 15 A Rial Hna I An Nunnak A Liam"

Leave a comment

Your email address will not be published.


*