Breaking News: Tukum ah Joe Biden nih teinak a hmuh ahcun, Justice Supreme Court ding cu amah aduh midang a thim tthan kho men.

Tukum 2020 November thla US rampi President thimnak ah  Democratic nominee lei in aa zuam ding Joe Biden nih Justice Supreme Court rian a tuantu ding Ruth Bader Ginsburg a aiawhtu ding cu election hnu lawng ah President a tling mi nih a mah a duh mi a thim ve te lai tiah a chim. President Trump nih ka chanchung ah thil a tlung mi a si, a liam cia mi Ruth a aiawhtu ding cu election hlan ah ka thim lai ati bang in nai ahkhan Judge Amy Coney Barrett cu Ruth a aiawhtu ding ah a thim.

Trump a khuakhannak cu Joe Biden le rammi tampi nih an duh lo caah duhlonak tiang an lanter. Aliam cia mi caan zong ah election lai te ah hibantuk thil a tlung micu  US election hlanah Justic supreme court ah riantuantu ding cu President nih mithar thim aa timh zong ah ram mipi nih an rak duh tawn lo caah election hlan ahcun mithar  cu an thim hna lo, election hnu lawng ah President nih amah a rak thim tawn hi a si .

Hi kong he Pehtlai in Joe Biden cu nihin ahkhan bia an hal i, President na tling ahcun Namah nawl a si lai caah Trump nih a thim mi Jude Amy Coney Barrett hi midang Judge thar na thleng lai maw tiah an hal tik ah a leh mi hna cu kha kha cu election hnu lawng ah answer kan chim te hna lai tiah a leh hna.

Tukum zong election hlan ahcun mitam deuh nih mithar thim an duh rih lo, a ruang cu election aa naihtu cang caah a tling mi Presidant thar nih amah a duh mite tuanter a duh lai caah Joe Biden nih teinak hmuhsehlaw, naite i Trump nih a thim mi nu Amy hi Biden nih amah duhmi midang a thim tthan kho mi a si, Cu caah hi kong ahhin US mipi an lung aa laklawh ngai caah tuni ahkhan Biden cu hi ko hi an hal kha a si.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Breaking News: Tukum ah Joe Biden nih teinak a hmuh ahcun, Justice Supreme Court ding cu amah aduh midang a thim tthan kho men."

Leave a comment

Your email address will not be published.


*


error: Content is protected !!