Breaking News : Yangon Lamlai Ah Motor Pa 8 Bak An I Pah Sual

Yangon Botathong ,Mahabandula hlei tum nak ke pahra a nei mi motor pakhat i dir kho loin a berel ai rawk i a hmai i motor a pah hnuah motor lam an kham dih i, motor dang zong dirkho loin motor pa 8 bak pakhat le khat an i pah dih hna.

January 19,zinglei nazi 11 hrawng i thil cangmi a si i, mithi an um loh. motor pa 8 ai pah mi lak ah motor mawngtu pakhat zualhma ngai in a um i, rianrang tein sizung ah an kalpi colh. Mawtaw ai pah mi cu, ke 10 a nei mi mawtawpi berek chiat ruangah a cang mi a si i pumpak motor ,thilri phur mi mawtaw le taxi ti bantuk an i tel.

A hmun i a buaipitu pakhat nih cun, thil a cang mi a hmutu pawl i an chim ning a siah cun, ke 10 neimi mawtawpi cu a berek tha loin a hmai i mawtaw a pah hnuah motor dang nih a van pah chih thluahmah ko.

Asinain, an zatein berek a palh nan, idin manh laklawh lo cio in, ai pah mi an si i, hliamhma faktuk in a tuarmi an um loh.Taxi mawngtu pakhat cu a zualhma deuhcem a si i, sizung ah kalpi colh a si tiah a ti.

A hmun i a buaipitu pakhat nih cun thil a can lio i a hmutu pawl chimning bantuk a siah cun, ke 10 neimi mawtawpi cu a berek tha loin a hmai i mawtaw a pah hnuah motor dang nih a van pahchih cio.

Asinain, an zatein berek a pelh nain, dirmanh lo viar in ai pah cio mi an si i, hliamhma faktuk tuarmi an um loh. Taxi mawngtu pakhat cu zualhma deuh bik mi a si i, sizung ah a rianran nak in an tlikpi colh,” tiah a ti.

Thilcan nak hmunah PK an phan colh i mawtaw ai pah dan cu fiangfai tein dothlat nak an neih cuahmah lio a si i, cuhnu ah a herh ning in cawlcangh an i tim. ( News Journal )

 

Be the first to comment on "Breaking News : Yangon Lamlai Ah Motor Pa 8 Bak An I Pah Sual"

Leave a comment

Your email address will not be published.


*