Camp Victoria Ah A Kalmi Gospel Singer Iang Len Sung le A Hawile Pawl Cu “Jackson Thawng’ Timi Pa nih An Hlabia Ruang ah Ralrin nak A Pek Hna

Naite ah Laimi lak ah kan i ngeihmi hna kan hlasakthiam thenkhat Gospel Singer pawl Camp of Victoria ah an kal ve i tiokuang ah ramhla an sa i CNA/F Uniform i hruk in hmanzong an i thla i facebook ah an rak post len hna i a hmutu zong tampi nan um lai .

Singer Iang Len Sung le a hawile an si hna i an mah zong nih an canpek in Camp ah an va kal ve mi hi upat awk an tlak tuk tiah ruahkhawh a si .

Asinain Camp an kalnak an hmanthlak pawl cu facebook min “Jackson Thawng” timi pa nih facebook group ah a tar piak hna i rak i ralring u tiah ralrin pek bantuk in caption ah ca a chiahchih .

A mah nih a tial ning ah cun “Lai hlasakthiam singer Iang Len Sung le a hawile pawl nan ning tal zak lo maw ?CNF/A thuam i hruk in CNLD hla nan sak ngam mi hi Pathian fialmi ah maw i ruat lai u ci party kong ah CNF/A hnursong hlah uh.Miphun thentu dingah Bawipa nih n thim hna lo ” tiah a tial .

Hi a tialmi hi facebook group tamnawn ah a post i miptampi nih an rak comment mi ah cun biafak fak in an rak comment ve . An comment mi ah cun a mah tu palh ah an phawt diam ve .

Asining taktak ah cun singer Iang Len Sung le a hawile pawl hi zeihmanh an palhnak zong a um lo i Chin miphun an si i an dawt ve caah Chin miphun caah a dirpi pasal tha le nusal tha pawl an um nak Camp ah an can pek in an va kal ve mi kong ah zeihmanh palhnak an ngeilo tiah mipi lei hmuh ning a si .

Jackson Thawng nih a soisel hna nak bik cu an hlasak mi ah a si i an hlabia zong hi rak zoh law zeihmanh soisel awk a um in a lang lo .

Hlabia “Hlanlio mipi chan in kan Chinland ram hi phuntungtu ngeilo in salcan ah kan tang .Sihmahseh tuthok in ram zalen nak caah CNA nih cerlian ni bang kan tlang lai.

Zeitluktlangsang le horthuk hmanh seh kan kal lai kan miphun caah ngol lo in hmailei norchin u sih,kan tumram phak tiang kan kal lai heih” ti a si .

Credit : Jackson Thawng

Be the first to comment on "Camp Victoria Ah A Kalmi Gospel Singer Iang Len Sung le A Hawile Pawl Cu “Jackson Thawng’ Timi Pa nih An Hlabia Ruang ah Ralrin nak A Pek Hna"

Leave a comment

Your email address will not be published.


*


error: Content is protected !!