Celh ding si lo, mah bantuk in mah le nu hringtunu cungah thil tuah duh cu. Anu Pathian nih a um pi

A hngakchia in a cawmmi fapa nih mah bantuk in a nu cungah thil a tuah duh mi cu, nu caah cun zeitluk in dah  a fak hnga? Mi cheu nih nu le sunglawi ning thei in an nu le nih an thitak ruangah zeitluk in dah lungfak in an um, natein micheu nih cu an nu le mah bantuk in zaangfah nak ngei lo in an tuah tthan hawi. Vawlei cung thil cang ning hi cu theithiam a hartuk ee!!

North China ram, khua pakhat ah, pa pakhat nih a nu cu lei chungah ni thum chungah a phum, natein anu hi Pathian nih a um pi caah damtein hmuh than a si. The Associated Press: North China ah thil a tlung mi report mak ngai cu, mi tampi nih mak an ti tuk mi cu, Pa pakhat nih a nu cu an inn in a kalpi i ramchungah zeitin mawh a va tuah. Anu hi nithum chung inn lei ah arak ting ti lo caah apasal ni palik sin ah report a va tuah. Palik nih hlethlainak an tuah hnuah a nupi cu afapa nih a phumnak lungkua in an va lak tthan

The New York Time nih a langter ning ah cun May ni 2 ah khan “Ma” ti ah au mi kum 58 pa nih cun a nu kum 97 a si lio mi Wang cu Wheelbarrow hmangin lengah a chuak pi. Anu hi a upat tuk caah a kal kho ti lo ruangah a cawlcang khawh ti lo i, afapa nih a nu cu a ning tuk caah silai, ramchungah a va phum diam. Ni 3 chung cu mah lungkua ah hin rawl ei lo in damte in a um. Palik nih Ma hi an lak tthan hnuah Shaanxi provice’s Jinbia county, Detention Center ah an chia.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Celh ding si lo, mah bantuk in mah le nu hringtunu cungah thil tuah duh cu. Anu Pathian nih a um pi"

Leave a comment

Your email address will not be published.


*


error: Content is protected !!