Champion League ah Champion Ka Lakpi Hna A Si Cun ‘Zu le Rihthei thil’ Na Kaltak Dih Ve Lai

C.Ronaldo hi footballer tha a si i a record zong Messi dah tilo nih cun a tluk tu an um rih lo . A mah hi minthang le milar a si nain a chungkhar hi pakhat nakah a chia kho pengtu a si fawn .A upa Hugo he zong ai daw tukmi an si i a nunnak tiang zong a rak chanchuah ve bal fawn.

C.Ronaldo a upa Hugo hi 2014 kum ah khan harsatnak le lungrawk nak nganpi a rak ngei i curuang ah cun zu le ritnak sii tiang a tawng i a nunnak ca tihnung tiang in a tawng mi a si .C.Ronaldo nih cun a upa Hugo cu zu le sa le rithaisii lak in chanchuah a duh i hi ti hin challenge a tuah . “Championleague ah Champion ka lakpi hna a si ah cun na tonghmi zule rithaisii vialte hi na kal tak bak lai ” tiah biakam nak a tuahpi .

Hi challenge a tuahpi mi hi a awl bak lo mi a si .C.Ronaldo nih a upa a chanh khawhnak ding ah cun Championleague ah pakhat nak a lak khawh a hau tinak a si cang .Phundang in kan chim a si ah cun C.Ronaldo nih a upa zu le rithaisii tonghnak in thihnak chung ah a lut nak hnga lo a chan him khawhnak ding ah cun Champion league ah Champion a lak khawh a hau ti khawh a si .

2014 kum ah khan C.Ronaldo nih hin Real Madrid ah a chuih i Championleague final ah Athletico Madrid he an i thua i an tei hna i Champion a lakpi taktak hna .Final puai a dih bak ah C.Ronaldo cua upa Hugo sin ah a va tli i ka u a tu cu nangmah caan a si ve cang ee a ti i a upa zong nih cun a biakam nak cu a theih ve i rithaisii le zu cu a kal tak ve colh .

Tu ni tiang a upa cu rithaisii le zu hrimhrim a tawng ti lo , C.Ronaldo nih Championleague ah teinak a hmuh mi cu a upa thihnak thlan chungin a chanh nak a si tiah mi tampi nih an chim i an unau in an lomhpi cio . Source : The Goal

 

Be the first to comment on "Champion League ah Champion Ka Lakpi Hna A Si Cun ‘Zu le Rihthei thil’ Na Kaltak Dih Ve Lai"

Leave a comment

Your email address will not be published.


*