Chicago Palik pawl bia chim mi nih Trump a lawmhter i, Joe Biden a lauter bak ko

Tu lio thawngpang lar ngai mi pakhat a si, Trump nih a chim ning bantuk in a si lengmang cang ko ruah hi. Trump nih palik pawl a doh tu le, misual pawl a dirkamtu mi maw nan dirkam lai, keimah, US ram himnak caah misual pawl a dohtu le palik pawl thazang petu nan dirpi lai tiah a rak chim cang kha

Chicago palik, The Fraternal Order of Polic (FOP) Chicago nih November President thimnak ah Donald Trump kan dirpi lai tiah biakhianak an tuah cang.

Palik Union’s Board of Director nih September ni 2 ah vote hlaknak an ngei i, mah ah hin palik pawl nih Trump cu President si tthan ding in an duh tiah an langter tiin NTD nih a ttial

Mah kongah hi palik President Jong Catanzara nih a phuan i, a chim chap mi cu, Trump nih teinak a hmuh khawhnak ding caah ka tuah khawh mi vialte ka tuah lai tiah a chim chap

Natein mah bantuk in bia ka chim mi ruangah a nuam lo ngai mi an um lai ti ka zum. Democrat an tam deuh ti cu mipi zum ning a si. Natein Democrat tampi nih President rian ttuan ning le economic lei ah mipi caah thil a tuah mi a philh lo mi tampi an um caah ka chim mi hi an ka cohlan piak lai tiah a chim. Credit- Breitbart

Be the first to comment on "Chicago Palik pawl bia chim mi nih Trump a lawmhter i, Joe Biden a lauter bak ko"

Leave a comment

Your email address will not be published.


*


error: Content is protected !!