Chin Arfi Benjamin Sum Cu A Mak Chin Lengmang Ko AHla Fung Hnihnak Zong Japan Radio In Thlah A Si Lai

Myanmar rampum huap in hlasakthiam bak mi Benjamin Sum i kawl hla fung hnihnak cu Japan ram Radio ah thlah a si lai i October 22 ah a si lai. Radio thlahnak ding hmun cu Japan Fukuoka Myo Love FM departure Lounge in a si lai. A caan cu nazi 11:15 in nazi 11:45 hrawng a si lai i, Japan ram chung a um mi hrang ah ngaih khawhndih ding in an tuah lai tiah thawngtheih a si.

Ma Tin: "Benjamin Sum Cu Benjamin Sum A Si Lai" - World Meifar

Japan i a um mi hrang Radio i an thlahmi Benjamin Sum hla ngai kho dingin Radiko Application timi Download a hau i hla an chuah hlan ah Benjamin Sum nih Japan i a mipi pawl sin ah biatawi chim nak a nei lai.Tu tan i an thlah dingmi cu Benjamin Sum i kawl hla fung hnih lakin a dongh nak bik cu“Khatlei Inn i nungak Nute” ti a si lai.

Benjamin Sum nih cun Myanmar Idol ai zuam hnuah Kawl in hla fung hnih a chuah cang i a fung hnih in mipi duh tuk mi le uar tuk mi an si.A hla hmasa deuh “Tonsal Ding Ni” timi zongJapan Radio ah thlah a rak si cang. Tu ah Chin mipi hrang lai hla fung khat cu october thla chungah chuah khawh ai tim. Lai hla a chuah hlanah hawikom pawl he an sakmi “Virus” timi cu mipi zoh khawh le ngaih khawh ding in, an thlah hmasa lai.

Credit : VAPUAL AUAW

Be the first to comment on "Chin Arfi Benjamin Sum Cu A Mak Chin Lengmang Ko AHla Fung Hnihnak Zong Japan Radio In Thlah A Si Lai"

Leave a comment

Your email address will not be published.


*


error: Content is protected !!