Chin cakei Salai Thang Pi nih Dr. Ngun Lian Cun cu a cawnpiak bak ko cang hi

Chinmi lak ah mifim tiah ti ve mi Dr. zong a si mi Dr. Ngun Cung Lian nih Democracy caah nunnak a pe mi Aungsan Suh Kyi le NLD party a doh hna ning hi cu amak bak ko, A soisel pah hna lawng siloin USDP party duh ning le Kawl ralkap duh zawng bak in bia a chim zungzal ko.

Dr. Ngun Cung Lian cu Law lei ah a thiam bak ve mi a si ko. A sinain hitluk a chiakha mi 2008 phunghram remh nak kong ah NLD a doh peng ko mi hi cu lungthin sia a rem bak tawn lo. A taktak ahcun NLD lei bawmh ding tu khi a si deuh awk ngai a si. USDP le ralkap nih an cawm mi a lo ngai cang.

Media nih biaruah an sawm tik poah ah NLD phomh loin a um ballo i, USDP nih an sawm mi biaruahnak chinchin ahcun NLD cu ek tuah in a tuah tawn hna i USDP party pawl an i nuam taktak tawn. A tu hi NLD nih phunghram remh a kal pi cuahmah ko, Ralkap le USDP nih biatak tein an doh lio a si. Sihmanhseh law NLD nih ai zuam chih ve.

Cu lio ahcun nihin kha phunghram remh nak kong he pehtlai in Federal a hmang mi ram 5 ahmang mi(MIPS) hna pawl ram ah hriamtlai pawl le Upadi kong ruah tinak timi tlangtar in ton biaruahnak nganpi an tuah i, Dr. Ngun Cung Lian cu media nih bia an hal , A tulio 2008 phunghram an remh mi kongah zeitin na ruah tiah an hal i” Media pawl tu kha hitihin aleh hna. Nan thin hung hlah uh, phunghram an remh mi tham cu umharpheng ah an ti sawhsawh i a si, Pakhat hmanh ai thleng lai lo tiah a ti hna i Media pawl zong an ar phah.

Chin pa Cakei Salai Thang Pi nih Dr. Ngun Lian Cun cu a cawnpiak cang i, Chin mi chungin mifim kan ngeih mi pakhat an si ve, na bia chim le holh hna hi kan zoh peng i, na lungput le Chin ram na dawt maw dawt lo ti zong hi kan nih zoh peng. Na bia chimh ning le holh hi zoh tikah mifim bia chimh le holh tiah cohlan khawh ding mi a tlawm ngai. Cu caah Chin mino kan caah zohchunawk tlak din in bia chimh i timh cang law tiin a ti. Ref- Salai Thang Pi

Be the first to comment on "Chin cakei Salai Thang Pi nih Dr. Ngun Lian Cun cu a cawnpiak bak ko cang hi"

Leave a comment

Your email address will not be published.


*


error: Content is protected !!