Chin cozah nih Thantlang inn kang le mitthi chungkhar a bomh mi zat; A tlawmtuk a ti mi le a tam ngai a ti mi an um

Thantlang ah inn pathum a kang i mtthi pahnih sin ah Chi cozah nih bomhnak a va pek hna. January 12, 2020 chun suimilam 12:25pm ah ramkulh Cozah phungphai lei lutlai a simi Sonny Thang Cung le Vuanci Pau Lwin Min Thang nih bomhnak an va pek hna hi a si.

Bomhnak an pek mi hna cu, Inn kaang a tuar mi chungkhar pathum caah Tangka sing 9, thihnak a tuar mi minung pahnih ngeihchiat pinak ah tangka sing 6 le hliamtuar in Sizung ah a phan mi minung pahnih caah tangka sing 2 tiang tangka fang in bomhnak an pek hna.

Cu lawng hmanh si loin inn kangh a tuar mi chungkhar pathum (an dihlak minung 15) caah Ni 7 chung an eidinnak caah tiah tangka sing 1331500 zong an bomh chih hna. Cun Khuanu pa, Company le Cozah zung ti bantuk in a dangdang cio zong nih burhnak an tuah cio ve hna.

Nizaan ah vanchiatnak, inn kanghnak, thihnak a tuar mi chungkhar hna caah bawmhnak a chuak mi dihlak tangka fang in sing 4331500  a si tiah kan theih. Nizaan deilei suimilam 2am tluk hrawng ah Thangtlang khuapi ah tu bantuk vanchiat nak kan ton hi a si i tukum 2020 ah Chin mi, Laitlang ah kan ton mi vanchiatnak lak ah a fakbik mi a si ko. Vanchiatnak a tong mi, thihnak a tong mi chungkhar dihlak Pathian nih hnem hram hna seh. Ref: IPRD Thantlang

Note: Mi tampi nih Cozah nih mah bantuk in harnak le thinak a tonmi cungah thil tha a tuah mi hi, cozah dirhmun zoh buin an tuah mi a si caah soisel  loin kan cozah dirhmun zong hi kan theihthiam a herh ngai mi a si. Mi tampi nih cun state pakhat cohza a si ve mi nih a bomhmi a tlawmtuk tiah a soisel mi an tam ngai.

Be the first to comment on "Chin cozah nih Thantlang inn kang le mitthi chungkhar a bomh mi zat; A tlawmtuk a ti mi le a tam ngai a ti mi an um"

Leave a comment

Your email address will not be published.


*


error: Content is protected !!