Chin pa, Vanlawng mawngtu (Pilot) Khup Khan Maung nih Wuhan ah um mi kawl siang hngakchia a va laknak kong ah kawl pawl nih an uar ning an chimh cang

Kawl mipi nih kan chinpa cu an thanthat tuk cang. uar um bak, amah ruangah siang hngakchia 59 cu him damtein Myanmar ram phan pi a si. A rian ttuan mi hi a sunglawi tuk, Pilots tampi an um ko bu in amah nih mah bantuk in Mission rian a ttuan mi hi a sunglawi tuk i, philh a si ti lai lo, zohchun tlak minung a si tiin an uar ning fakpi in an chimh. Mi tampi nih cun khamhtu na si an ti i, mi tampi nih pasal na si an ti i, mi tampi nih na rian cu raltha tein na ttuan ngam caah mi raltha bak na si an ti hna
Zahan thawngpang>>>
Vawnlawng Captain Khup Khan Maung nih mah bantuk in Myanmar siang hngakchia pawl Wuhan in Myanmar
Naturalforfood nih a ttial ning ah cun tu ni suimilam 6pm ah Myanmar vanlawng cu China Wuhan lei ah myanmar siang hngakchia pawl lak ding in a zuang cang lai tiah a ttial. Myanmar National Airline, Boran cu Wuhan ah kawlram mi siang hngakchia pawl lak ding in Yangon suimilam 6 pm ah a chuak tak lai. Vanlawng hi pilots pathum nih an hruai lai i, An captain cu Khup Khan Maung a si lai. Cun engigeers pahnih le sibawi pathum nih an zulh lai.
China ah Myanmar Embassy nih siang hngakchia vialte hna cu Airport ah a lak lai i. Siang hngakchia vialte hna hi Mandalay Airport ah tum pi an si lai i, cun Kandinadi Hospital Mandalay ah zohfelnak tuah an si lai. Vanlawng nih siang hngakchia hna hi Mandalay Airport ah a chiahna hnuah Yangon lei ah a zuan tthan lai tiin President bia chimhtu Zaw Htay nih a chimh

Be the first to comment on "Chin pa, Vanlawng mawngtu (Pilot) Khup Khan Maung nih Wuhan ah um mi kawl siang hngakchia a va laknak kong ah kawl pawl nih an uar ning an chimh cang"

Leave a comment

Your email address will not be published.


*


error: Content is protected !!