Chin TV Laksawng Peknak Ah Hlasakthiam Benjamin Sum Nih Mipi A Awih Dingmi Cu I Ngeih A Um Ko A Ropui Lai Hih

US hrambun Chin TV International nih cun December 26 zan ah Chinmi chungin ringawn dirhmun in, a cungcaung hleice deuh mi pawl le laksawng dang pawl peknak an nei lai i,mah cu a Myanmar rampumpu huap i hlasakthiam lar bak mi Benjamin Sum nih mipi awihnak a nei lai tiah thawngtheih a si .

Chin TV laksawng peknak cu December 26, anmah lei sml nazi 8:pm ah Facebook live hmangin neih ding a si. Mah hi ah hin Myanmar ram pumpi huap i hlasakthiam milar Benjamin Sum le Mai Sung Tin par nih mipi an awih ding mi kong a fiang cang i, midang hlasakthiam mi minthang dang zong a hnu ah cun, an sawm than hna lai tiah zumh a si.

Laksawng peknak ahcun Chinmi lakah ringawn dirhmun i mi hmasa a si mi pahnih Salai Thuah Aung le Salai Tawna zong nih biachim nak tawi zong an nei lai tiah thawng theih a si.

Chin TV International nih laksawng a pek dingmi pawl cu Chin Youth of the Year , Chin Song of the Year ,Chin Artist of the Year , Chin Gospel Singer of the Year , Chin Composer of the Year , Chin Literature Award , Chin Humanitarian Award le Chin TV Lifetime Musical Achievement Award timi pawl an si. Mah hi ah hin, online in mipi vote lak a si i December 15 ah vote an rak khar cang.

Credit ; VAPUAL AUAW

Be the first to comment on "Chin TV Laksawng Peknak Ah Hlasakthiam Benjamin Sum Nih Mipi A Awih Dingmi Cu I Ngeih A Um Ko A Ropui Lai Hih"

Leave a comment

Your email address will not be published.


*