China nih Myanmar cu US Dollar Million 600 leng a bawmh lai; Kawl mipi ttih phaiphungin an um cang; Aruang cu

China President Xi Jinping cu Myanmar he hoikom an sinak kum 70 a tling cang caah le hoikom an sinak fekter than ding in Myanmar  a rak tlawng. Xi Jiping nih a chimh ning ah cun Myanmar ram a thancho khawh lengmang nak ding caah kum 3 chungin Yan billion 4 (US Dollar 600 million) leng bawmhnak pek a si lai tiin a chimh. Mah tangka hmangnak ding pawl hi cu thatein kan cei tthan te lai i, a herh bik mi fimthiamnak lei maw, inn saknak lei maw ti bantuk cu a hnuah kan cei tthan te lai tiah a chimh.

China President Xi Ping nih kum 2014 -2019 ah Myanmar hi Yan Billion 4.9 a rak bawmh cang tiin a chimh chap. Mah tangka hna hi fimthiamnak, Thlaici cinnak, ngandamnak lei ah le raltlan le a herh mi kip caah hmang a si tiin a chimh. Atu China nih Myanmar a rak tlawnnak ah hin rian ttuanti ding mi 33 cu hnatlaknak tuah a si tiah theih a si. Mah bantuk in China nih Myanmar a bomh mi hi cathiam le mifim nih cun an duh lo, a ruang bik cu China hi vawlei cung economic ah pahnihnak a si. Ramdang a bomh mi hna hi a kut tang ah a chia lengmang caah le a duh ning bantuk in an ram chungah China Economic a thancho khawhnak caah thil atuah lengmang caah an lungreitheih ngai i, an duh lo ngai tiah theih a si

Be the first to comment on "China nih Myanmar cu US Dollar Million 600 leng a bawmh lai; Kawl mipi ttih phaiphungin an um cang; Aruang cu"

Leave a comment

Your email address will not be published.


*


error: Content is protected !!