China nih ninghal ngai in USA cu bia a hal cang, USA nih zeitindah a leh te lai

Coronavirus zawtnak ruangah vawlei cung ramkip nih an zumnak lengin an tuar cang i, mah bantuk in a si thlahnih hrawng pehzul in a kal ah cun vawleicung economy sertthannak ding caah kum 10 leng a rau cang lai.

USA nih coronavirus hi Wuhan lab in a thawk mi a si, tehteh kan ngei tiah an chim peng caah China nih USA cu bia a hal cang i, tehteh na ngei mi cu vun ka hmuh ter tuah ca tiah fakpi in a soisel chap. Mike Pempeo nih China Wuhan virology laboratory in mah coronavirus zawtnak hi a chuak mi a si tiah tehteh kan ngei tiah ABC news ah a chim.

Washington le Beijing hi global pandamic ruangah an buai ngai i, i theithiamlonak tampi a chuak. WHO nih mah zawtnak hi China in a ra tiah tehteh zeihman an an ngei lo tiin a chim tthan hoi. China Foreign Ministry Spokeswoman Hua Chunying nih Press Briefing ah Mr. Pompeo nih hin vawi tampi tehteh kan ngei tiah a rak chim tawn, natein zeihman tehteh langter ding mi an ngei lo. Coronavirus Eviden hi cu Scientist le medical professional chia ding a si tiah kan tei. Politician, mah le ram chungah a ttuan mi nih buaipi ding a si lo tiin a chim

Coronavirus ruangah USA mi 70,000 leng an thi cang i, Beijing nih US cu fakpi in a soisel i, US cozah nih mah zawtnak hi a control khawh lo caah a si. China lawng soisel le muaphoter ding i tim lo i, USA mipi caah fakpi in rian ttuan i tim hna seh tiah a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "China nih ninghal ngai in USA cu bia a hal cang, USA nih zeitindah a leh te lai"

Leave a comment

Your email address will not be published.


*


error: Content is protected !!