China nu Dr. Li-Meng Yan nih covid-19 kong a thar in a chim ruang ah a account an thah piak.

Kan theih bal cang lai ti ka ruah China nu Covid-19 china nih an buaipi le vialte a phuang piak dih hnu ah US ram lei ah a tli minu Dr, Li-Meng Yan a Twitter account cu tuzarh nithumni ahhin an thah piak, an thatpiaknak a ruang cu Dr. Yan nihhin Twiiter hmang in Covid-19 cu china nih Wuhan laboratory ah an tuah mi a si, coronavirus hi nature in a ra i a si lo minung nih tuah mi a si tiah  a chim ruang ah a Twitter account cu an thah piak.

Tuzarh Tuesday zan ahkhan Fox News nih interview ah tuah lio an hal mi cu, ziah na account hi an i thah piak tiah an hal tik ah a leh mi hna cu, an ka thahpiaknak a ruang cu Covid-19 hi minung  nih tuah mi a si, nature in a ra mi a si lo tiah ka chim ruang ah , minung tampi nih biatak an theih sual lai tiah an phang ruang ah ka account tiang an ka thah piak hi a si, nan ka zumlo ahcun minung nih , zei tin dah an tuah timi evidence zong kan ngei ko tiah Fox news nih interview an tuah nak ah a chim.

Yan hi ahlan ahcun Hong Kong School of Public Health ah damnak si lei Researcher a tuahtu Dr a si i, Covid-19 kong biathli a phuang ruang ah china ram ah um ngam tilo in US ram lei a tli mi a si, hi zawtnak hi china ram lab in an tuah mi a si minung nih ser chawm mi a si tiah batak tein a aupi. Fox News.

 

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "China nu Dr. Li-Meng Yan nih covid-19 kong a thar in a chim ruang ah a account an thah piak."

Leave a comment

Your email address will not be published.


*


error: Content is protected !!