Chinpa Pilot officer, Capt. Khup Khan Mun nih Paletwa ralzam pawl a bomh hna. A tam tak tak

Chinpa vanlawng mawngtu nih Paletwa ralzam pawl a bawmh hna. A bawmh mi cu tam ngai. Chinmi dirhnum in Pilot a ttuan hmasak bik Capt. Khup Khan Mun nih Paletwa ralzam hna cu tangka tampi le thilri in a bomh hn. Captain Khup Khan Mung cu Chinmi dirhmun in Myanmar ah Pilot officer rian a ttuan hmasak bik a si I, Kum 1996 kum in Myanmar Airline ah rian a rak ttuan I, pilot a si. Kum 1989 ah vawnlawng mawng a cawng i. Kum 1990 kum in kum 2004 tiang ralkap vanzam a rak mawn. Amah hi Tedim peng Hawbawl khuah a chuak I, fa 5 a ngei, a fa pakhat cu sibawi rian a ttuan I pahnih hi cathiam tuk mi an si.

New York siizung ah rian ttuantu pakhat nih vanlei zoh in Pathian a auh cang; N.Y ah Cakei le Cakei le Chiandeih zong an him ti lo……. A fak tuk hrinhrang ko ee!!! Minung lei cun zeihman tuah khawh a si ti lo, hnabei dongh cik cek si cang, New York siizung pakhat  Elmhurst Hospital Queens ah rian ttuantu pakhat cu a thimi le dawmlo mi an tam tuk caah tuahnak lam a theih ti lo i, Rian  dinh karlakah lengah a chuak i, vanlei a zoh i a kut a phar i, Pathian sin ah Bawipa zeihman tuah khawh mi kan ngeih ti lo. Nangmah lawng kan nih bohchan ko cang tiin vanlei a kut phar in a au thluamah

Elmhurst Hospital, Queens hi coronvirus damlo mi zohkhennak pakhat asi ve i. EMTs nih a chim ning ah cun atu kan tonh mi cu raltuk lio ah thil cang mi he a khat cang. Damlo an tam ning le damlo zohkhennak ding caah kan herh mi a tam tuk caah duh ning bantuk in kan ngei kho lo tiin a chim.

USA ram chungah coronavirus ruangah a thimi hi 9618 an phan cang i, a damlo mi hi 336830 an phan cang. New York khualipi ah suimilam 12 chungah 788 an thi tthan. Atu hi minung lawng si lo in New York saram chianak (Zoo) ah cakei 4 le Chiandeih 3 cu coronavirus positive an si tiin BBC nih fiangtein a phuan cang. Mah Cakei le Chiandeih hi zoo zohkhentu nih a chonh mi si lai tiin zum a si

Minung lei cung zeihman tuah khawh a si ti lo. A dam mi tampi an um, natein a thimi an kar chin lengmang caah Pathian sin ah fakpi in thlacam hi minung lei kan tuah khawh mi pakhat a si. Atu tiang mah sii hi serh khawh a si lo caah vawleicung cu muinka khur bak ah kan um cang. Scientist pawl nih fiangtein an chim. Mah sii minung ah hman khawhnak ding ah cun kum 2021 June thla hrawng ah si lai an ti cang

Atu coronavirus damlo mi zohkhennak caah sii an hmang mi hi Malaria sii a si. Mah hi sii hi USA a ngei ti lo caah India ram PM. Modi a chawn i, “Ka ram chungah a damlo mi an tam tuk caah zohkhennak ding caah kan herning bantuk in ka cawkterh hram ko” tiin a chawn. Mah sii hi India nih ramdang ah kuat a siang ti lo i, atu hi zeihman thawngpang a um lo. India nih USA cu mah Malaria sii a kuat lai maw kuat lai lo ti zeihman bia fiangtein a um rih lo. Source: Economic Times. BBC

 

Be the first to comment on "Chinpa Pilot officer, Capt. Khup Khan Mun nih Paletwa ralzam pawl a bomh hna. A tam tak tak"

Leave a comment

Your email address will not be published.


*


error: Content is protected !!