Chinram caah thawngpang tha bik si ko lai; Coronavirus ruangah KBZ bank nih Chinram facang tung a bomh ding mi cu a tam bak ko

April 22. Ni Thum ni, 2020. Coronavirus ruangah Chinram zong a buai ngai cang i, Chinram chungah coronavirus zawtnak a ngei mi panga an phan cang. Mah panga hna hi Tidim lei mi lawngte an si. Kawlram chungah test tuahnak a tlawmtuk caah nikhat ah minung 100 hrawng  test an tuah tawn hna. Atu dirhmun ah cun kawlram zawng a him lo ngai cang i, nifatin an kar thluamah cang caah state tampi cu lock-down tuah thluamah a si cang lai.

Atu tiang sii an hmuh lo caah mah zawtnak in i vennak thabik cu lengchuak loin inn ah thatein um kha a si, inn um ah cun rian ttuan khawh a si ti lai lo caah ei ding kha a her tuk mi thil pakhat asi caah Chin ram chung zong ah mipi hna lengchuak loin i vennak caah inn ah um kha a her tuk mi a si caah mi sifak caah a hertuk mi facang cu KBZ bank nih  Chinram caah tung 1000 bomhding in bia khianak a tuah cang

Mah kongah hin Chin State CM Pu. Lian Luai zong nih KBZ bank sin ah lunglawmnak bia a chim cang i. Kum 2015 ah Chinram nih buainak le harnak kan tawn lio zongah KBZ nih  tangka ting 15000 nan kan bomh hoi cang i. Mah lawng cu si loin kum 2016 ah ting 1000 leng nan kan bomh hoi caah nan sin ah lunglawmnak tampi kan ngei tiin a chim chap- Ref:KBZ

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Chinram caah thawngpang tha bik si ko lai; Coronavirus ruangah KBZ bank nih Chinram facang tung a bomh ding mi cu a tam bak ko"

Leave a comment

Your email address will not be published.


*


error: Content is protected !!