City Church, Yangon ah benben nih a testimony a chimh mi, a ngaih mi poah cu an thinlung a tawn tuk hna

Amen, Amen. Pathian a tha tuk, Benben le anu cungah Pathian nih thil khuaruahhar tuk mi a tuah mi vialte Benben nih Pathian sunglawinak caah a chimh dih.  Myanmar Idol season 4 finalist Benben nih City Church Yangon ah sunglawi ngaiin a testimony a chimh.  A testimony a chimh lio ah mi tampi cu mitthli he an ttap thluamah ko. Benben le a nu cungah zeitluk in dah Pathian hi a tha ti cu fiangtein mit hmuh kuttawng bak in a lang ko hi. Kum 4 a rak si lio ah apa nih a thih tak i, cun cu lio ah cun anu nih fa a pawi, anu nih fa a vun ngeih hnuah a nau nu kum thum mi nih a thih tak tthan hna. Ka nu le keimah cu Zero lawng in kan um ko. A hngakchia lio ah zan a it ah hin a hnar lei in thi a chuak tawn. Anu nih thatein a zohkhen tawn. Tangkua 9 a kai kum ah anu kha cancer state 3 a si i, India ah a thlawp. Siang ka kai caah an ka chimh duh lo i, caan tlawmpal a rau hnuah an ka chimh, Mah thawng ka vun theih cu ka celh bak lo i, zan ah ka it khawh lo, cun ca zong ka zoh kho lo, Zan it caan ah ka it kho lo caah kan sawng pawngah electric tung a dirmi lam mei in Bible ka rel tawn i, thla ka cam tawn. Thla ka cam mi cu Bawipaw ka nu hi damnak na pek ah cun aw zai naka pek mi in mi vialte hmaiah na sungparnak ka chimh lai tiin thla ka rak cam tawn. Cu sianginn kan vun dih in, ka nu cu damtein a rak kir tthan.   >>> Video

Be the first to comment on "City Church, Yangon ah benben nih a testimony a chimh mi, a ngaih mi poah cu an thinlung a tawn tuk hna"

Leave a comment

Your email address will not be published.


*


error: Content is protected !!