CNF hrauitu Dr salai Lian Hmung Sakhong nih CDM colhcang nak ahhin tlangcung hriam tlai pawl kan i tel si cun ram a buai chinchin lai caah lungfak buin ka i sum peng rih nak a si .zei poah poah a si ah timh tuah nak kan ngei ko tiah a ti

CNF hrauitu Dr salai Lian Hmung Sakhong nih CDM colhcang nak ahhin tlangcung hriam tlai pawl kan i tel si cun ram a buai chinchin lai caah lungfak buin ka i sum peng rih nak a si .zei poah poah a si ah timh tuah nak kan ngei ko tiah a ti

March thla ni1 nih Hakha ah sandah an piah lio ah ralkap pawl nih meithal he mithli tlak nak bom he an dawi hna i minung pa 26 an tlai hna i march ni2 ah 22 cu an thlah than hna pa4 cu an tlai rih ko hna
Cun falam zongah cu bantuk cun February ni 28 lio ah minung pa3 an tlai hna tiah thawng theih a si

hi kong he pehtlai in CNF hruaitu Dr Salai Lian Hmung Sakhong cu RFA nih bia hal nak an tuah i hitihin a chim

Tulio CDM rian tuan nak ah hin kan nih CNF le a dang tlangcung hriamthlai tu vialte zong kan thinlung kan ruat nak vialte in kan i tel dih ko . a sinain CDM timi a suallam cu hriamnam tello in ti a si caah a phung hrimhrim ah hriamnam hman lo ding tiin a si

cu tik ah mipi nih an mah lungtho in hriamnam hmang loin colhcang nak an tuah mi cungah kan mah nih kan hriamnam he kan lut hnawh hna a si ah cun ralkap nih an doh ta mi an chiatak mi rap chungah kan lut suallai ti ka phang

Zei ca tiah cun ralkap cu kan thei bantuk in hriamnam hmangin mipi uk mi an si .mi thah le lainawng in mi uk mi an si .an power le an nawlngei nak vialte hi meithal le kuang in a ra milawng te an si

Cu caah an mah nih an hmang bantuk in kan hmang ve si cun an mah he kan dir hmun a khat lai . an mah an dir hmun a hman lomi a ding lo mi chungah kan lut ve suallai

Cutin a si tik ah a tu Min Aung Hlaing cu misual pa hrimtlai pa tiin vawlei pi nih an pom cang i mah hi an zoh sawhsawh hrim lailo . mah tin ka chim tik ah tlangcung hriamtlai pawl kan i tel lailo ka ti nak pakhat hman a si lo


Misual bu nih mipi kha hriam le nam he an zuam hnawh peng hna si cun ,nikhat khat ah cun mipi he a dirkhat mi hriamtlai bu a um a hau te hrimhrim lai .kha tik ah CNF le tlangcung hriamtlai bu hi kan duh lo duh lo zongah kan in thawh a hau te lai i , kha bantuk kan phan ah khan cun kan ram caah tih a nung tuk te lai

Cu caah Kha bantuk tih a nung tuk mi thil si lo dingin he tiah kan i sum i thla kan cam

Tu ah kan i tel ngam lo a si lo, kan i tel duh lo zong a si lo , asi nain thil pakhat kan tuah tik ah a peh lai ding mi kan tuaktan tuk caah lungfak bu tein kan kaa lawngin kan chim rih nak a si i zei poah poah timh tuah nak kan ngei ko timi hi theiter kan duh hna tiah a bia a dongter

 

 

 

Be the first to comment on "CNF hrauitu Dr salai Lian Hmung Sakhong nih CDM colhcang nak ahhin tlangcung hriam tlai pawl kan i tel si cun ram a buai chinchin lai caah lungfak buin ka i sum peng rih nak a si .zei poah poah a si ah timh tuah nak kan ngei ko tiah a ti"

Leave a comment

Your email address will not be published.


*