CNLD Cu Pathian Lawng Kan I Bochan, NLD Cu Kawl Pawl I Company Pakhat A Si: Cheery Zahau

Dr.Sasa nih Cheery Zahau he debate tuah a duh lo ruangah The Chinland Post pawl nih pakhat pakhat in hmaitonh biahal nak an nei. Cheery Zahau cu bia tampi an hal i, felfai tein a leh hna.

An i chawnh nak a zapi te cun kan rak tial thlu lai loh. A tang bik ah a video in kan rak langh ter deuh lai. An biahal mi pakhat cu ‘NLD zong Chinmi an si, NLD candidate-tu pawl zong Chinmi thotho an si.

CNLD pawl zong Chinmi thotho an si, cu ruangah NLD Chin le CNLD an i khah lo nak hi. zeidah?” tiin an hal. Cheery Zahau nih Company pakhat bantuk in tah chunh nak bia a chim, an rian ṭuantu pawl cu miphun dangdang an um kho.

“Thimnak ah Japan company pawl zong an lu pawl cu Japan mi lawnglawng an si, Japan pawl nih an control dih . An rian tuantu pawl cu Indonesia mi zong an si kho, Myanmar mi zong an si kho.

Cu bantuk in NLD Chin pawl cu Kawl pawl i rianṭuantu men an si, NLD lu pawl kan zoh tikah Kawl pawl lawnglawng an si. CNLD ih lu pawl cu Chinmi an si, a rianṭuantu pawl zong Chinmi an si.

Chin company a si, mah cucu si kan i khah lonak cu. Cun, kannih cu minung kan i bochan loh, mah hi intervew-nak ding hrangah ni 2 chung bak thla ka rak cam. bia kaa pakhat ruangah thil ka ti sual, mah cu hrangah vawi tampi thla ka rak cam. Kan lu cung ah Pathian lawng a um, minung bia ruah men i a cawlcang mi kan si loh. Pathian i bia pek mi a cawlcang mi kan si. {VIDEO}

Credit : Meifar

Be the first to comment on "CNLD Cu Pathian Lawng Kan I Bochan, NLD Cu Kawl Pawl I Company Pakhat A Si: Cheery Zahau"

Leave a comment

Your email address will not be published.


*


error: Content is protected !!