Corona Virus ruangah USA um mi Chin mi caah kan theih herh tuk mi; Mah bantuk lungput hi ngeih i zuam cio hna u si

Iralring cu a tha. Nain ngandamnak lei thiamsang hna nih corona-virus a um caah a hohmanh a lengah chuah hlah uh an ti belte ahcun imarjansi a si hnga. Facang tiang cawk awk a um lo tiin facebook ah a tialmi tete ka hmuh. Kan innkiang india dawr hna ahcun tampi a um ko. Kan umnak hmun le hma nih a ngeih caah a lau deuh le a ralring deuh nih facang tam deuh in cawk cia dawh an si hna.

Khat lei ah ruah a hau tawnmi cu ” Mah zawn bak lawng iruah i midang ca zongah siaherhnak kan ngei lo ahcun a poi kho. Keimah ka pawkhim paohaoh ahcun midang an pawtam le ei ding an ngei lo zongah a poi lo timi lungthin kan ngeih sual ahcun a poi chinchin kho.”

Nizan ah Vannilian nu le pa nih an ka leng. Vannilian nu nih” Kawlram in Malaysia kan rat lio lampi ah rawl pawtam in kan um, mah lio ahcun motorcyle in rawl an rak kan pek, rawl a hlonh in a kan hlonh hnawk le i cuh cio a si. Mah lio ah hngakchia no tete le nu cheukhat cu Lai tlangval pawl nih an cuh khanh hna caah an co lo. Hngakchia pawtam ruangah an tap zong an theih ko hna nain Lai tlangval pawl nih rawl an i cuh khawhmi chung in cheuh zong um bak loin an ei dih” tiin a ka chimh. Mah nih khua a ka ruahtermi cu mah hngakchia pawl kianh loin rawl a rak i cuhmi tlangval pawl cu khuaika an phan zongah khua awng an ton kho hnga maw timi a si.- Salai ZT Lian

Be the first to comment on "Corona Virus ruangah USA um mi Chin mi caah kan theih herh tuk mi; Mah bantuk lungput hi ngeih i zuam cio hna u si"

Leave a comment

Your email address will not be published.


*


error: Content is protected !!