Coronavirus ruangah President Trump cu a buaituk lio ah Senate Democrat pawl nih harnak an pek lengmang caah US Congress cu duhthim ding pakhat a pek cang hna

President Trump zaangfah a si ning cu!! Pathian nih bomhhram ko seh, mah bantuk in USA caah rian a ttuan lio ah a ralbik a simi US democrat pawl nih harnak an pek lengmang caah a celh ti lo i, US congress cu a hrocer cang. USA cu buainak lawngtein a khat cang ko, Coronavirus ruangah Democrat pawl nih fakpi in Mr. President cu an doh caah President Trump nih an luantuk a ti caah US Congress cu fakpi in a hrocer cang hna, zeidah a law te lai, President Trump hi a chim mi poah a tuah lengmang caah ttih nung bak ko cang

 

The White House coronavirus task force briefing, nakah President Trump nih The Trump Administration nih staff deih lo tuk lio ah nomination pawl a ap mi cu Senate Democrats pawl nih an khamh lengmang caah a celh ti lo i Executive power hmang in Congress cu phih chung a duh cang tiah a chim. President Trump nih Senate le House cu fakpiin a soisel hna i, rianzong thetein a ttuan kho lo ti a chim.

Mah bantuk in rian thatein ttuan khawh loin umnak in cun Executive Power / Constitutional authority hmang in Senate le Lower cu ka phih chung ko lai maw? mah bantuk in USA mipi nih vanchiatnak kan tawn lio ah rian tthatein ttuan khawh lo hi “phony pro forma sessions” USA mipi nih an phu lo tiin a chim

Democrat an sual ning le an umtuk ning hi cu fih an nun tak tak, Covid ruangah rian ttuanding tampi a um, President nih rian fakpi in ttuan a zuam lio ah mah bantuk in Democrat Senate nih Trump nominate a tuah mi an pawm piak duh lo mi hi zeidah an lungput si hnga? Lam pakhat lawng  a um. Democrat Senate nih Trump nominate hi an pawmpiak lai maw Trump nih a Executive power hmangin US Congress a phih lai ti a si cang.

House Leader Nancy Pelosi nih President Trump mi mithawng a si lo, mi ralchia a si, ram hruaitu caah a tlak lo, USA mah bantuk in coronavirus ruang kan buai tuk mi hi amah ruangah a si tiin a phomh ve

Trump nih nawlngeihnak a tlaih mi cu. Article II, Section 3 of the Constitution states that the president “may, on extraordinary occasions, convene both Houses, or either of them, and in case of disagreement between them, with respect to the time of adjournment, he may adjourn them to such time as he shall think proper.”

Be the first to comment on "Coronavirus ruangah President Trump cu a buaituk lio ah Senate Democrat pawl nih harnak an pek lengmang caah US Congress cu duhthim ding pakhat a pek cang hna"

Leave a comment

Your email address will not be published.


*


error: Content is protected !!