Covid 19 ruangah Rihkhawdar Siizung An Khar Chung +Rihkhawdar Dirhmun

Falam peng, Rihkhawdar i Siizung rianṭuan mi minung pathum nih Covid 19 zawtnak an neih ruangah Siizungpi an khar chung.

Rihkhawdar ah January 15 ah Covid 19 mizaw pa 5 an hmuh i minung pathum cu Siizung i rianṭuan mi an si. Minung pahnih cu tualchung i ummi an si.

“Siizung i rianṭuan mi lakah Covid 19 zawtnak a nei mi minung pathum an um. Curuangah Siizung i rianṭuan mi midang 8 pawl zong an zumh hnalo caah a dang te ah an chiah hna i, Siizung zong Quarantine center dirhmun bantuk hman ding ah an khar chung mi a si” tiah Rihkhawdar i a um mi minung pakhat nih a ti.

Siizung i i an chiah mi hna an zumh lo mi hna pa 8 cu vawikhat an test cang hna nain, an negative dih. January 20 ah voihnihnak an check than lai i mah cuah zawtnak an neih le neih lo a fiang lai.

Rihkhawdar Siizung khar chung a si ruangah le Siizung rianṭuan mi pawl tiang kharhkhumh an si ruangah mizaw zohkhenh tuding minung 5 cu Falam in an thlah hna tiah theih a si.

Hikong he pehtlai in, Falam Siibawipi Dr. Tluang Cung Thang nih cun “ zawtnak htik a neitu pawl le sizung riantuan tu Q dirhmun i a um mi pawl cu siizung ah khaan dangdang te`in an um.”

Overland from India to Myanmar – our adventure over the  Zokhawthar-Rihkhawdar border

“Anmah pawl a leeng in a herhmi bomhnak pawl pe dingah Falam in minung pa 5 duty in kan chiah hna. Thaizing (January 20) ah HQ i a um mi 10 pawl i SWAB cu Tedim ah kan test than hna lai” tiah CH nih a chim.

Rihkhawdar siizung cu zarh hnih chung lockdown rih a si i Ṭio zong zarh hninh chung Stay at Home dirhmun si dingin ṭuanvo neitu pawl nih hmalak nak an nei lai.

Border town of Zokhawthar Mizoram | Landscapes | An India Traveler's Hub |  India Travel Forum Thinkingparticle.com

Turih tiangah Rihkhawdar ah cun Covid 19 zawtnak a nei mi minung paruk an um cang i zawtnak a nei mi minung paruk an um cang i minung pakhat cu a dam cang ruangah Siizung in a chuak cang. Hram : Chinland Herald Daily News

Be the first to comment on "Covid 19 ruangah Rihkhawdar Siizung An Khar Chung +Rihkhawdar Dirhmun"

Leave a comment

Your email address will not be published.


*