Covid 19 Vaccine tuahtu Sii Company Innpi A Kang I Mithi Ruak Pa 5 An Chuah Hna

Vawlei cung Vaccine chuahnak company lianbik a simi Serum Institute of India innpi cu January 21, zaanlei ah a kang i, tu ah miruak 5 an chuah cang hna.

Serum Institute of India cu Pune i a um mi a si i atulio i tlangzarh an thokmi AstraZeneca le Oxford University tuah Covid 19 vaccine “Covidsheild” chuah cuahmah tu an si.

Innkangh ai thok dan ning hi an thei cio loh nain, Covid 19 vaccine tuah zokzok kho ding i an sak cuahmah lio mi innpi in kanghhram ai thok ko lai tiah an zumh.

Pune Mayor Murlidhar Mohol nih cun “Meikang mi kan phalh khawh cang. Inn sak cuahmah mi lak in mithi ruak pa 5 kan chuah cang hna tiah ramchung media sinah a chim.

SII CEO Adar Poonawalla zong nih vanchiat nak a tlung mi hi a poi tuk a ti nak kong le mithi hi innthar sak nak i riantuan mi an si lai tiah a zumh nak kong cu ramchung media pawl sin ah a chim i vanchiat nak a tong mi chungkhar nan ngeih kan in chiat pi hna tiah a ti.

Adar Poonawalla nih cun innkangh ruangah Covid vaccine an tuah mi ai rawk viar loh tiah twitter ah a tarlangh i a kang chih mi thilri man cu kan thei rih loh a ti.

Credit : Falam Online Media

Be the first to comment on "Covid 19 Vaccine tuahtu Sii Company Innpi A Kang I Mithi Ruak Pa 5 An Chuah Hna"

Leave a comment

Your email address will not be published.


*