Cristiano Ronaldo zong Covid-19 zawtnak hri nih aphanh ve cang.

Vawlei cung football Player minthang Cristiano Ronaldo zong Coronavirus hri a kai ve cang tiah Portuguese football authorities nih nihin ahkhan thawng a thanh.

Cristiano Ronaldo hi kum 35 a si cang cang i, nihin ni tiang ah ballung a chuih mi a thazaang a um ngai rih , an ram min in siseh, club in siseh a chuih peng rih ko, Tuzarh nithum ni Wednesday ahhin Swiden le Portugal cu ballung chuih ding match an ngei i, Cristiano Ronaldo zong chuih veding asi ko nain coronavirus a positive caah anih cu a chuih kho lo.

Ronaldo cu Ruahlopiin Coronavirus nih a van phan ve tikah Juventus team cu an ngei a chia ngai ngai, an sin ah practic tuah ve ding aa rem tilo caah nitin ahkhan a team pawl cu a chuahtak cang hna, Ronaldo cu Positive a si ti theih hlan ah a hawi le tampi hna he hmunkhat te ah dinner an dum ti hna an ninuam ngai cio hna, cu hnu a thaizing Test aa tuah tikah covid aPositive khan an hmu diam ko, ateam cheukhat zong test ngeive ding in nawlpek an si ve cang. source: Daily Mail.com

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Cristiano Ronaldo zong Covid-19 zawtnak hri nih aphanh ve cang."

Leave a comment

Your email address will not be published.


*


error: Content is protected !!