Donald Trump caah Foxnews zong nih thawngtha cungcuang an chim ve cang. January Ni 6 phanh lai Cu!!!

Foxnews nih tianzan ah January Ni 6 ah Donald Trump cu Joe Biden nak in chance a nei ttha tak tak cang tiah a ttial, a chim ve cang.

Georgia Senate Hearing an neih hnuah Senator pawl hna nih Forensic full audit tuah si seh tiah an dihlak in an cohlang hna. Senate Hearing ah hin mithiam pawl nih thil sining (Dominion Voting Machine) hmang in vote an fir khawh ning le hlennak tampi an tuah khawh ning an langhter dih khawh cang

Mah hi mithiam pawl hna lakahhin US mipi nih an theihhngalh tuk mi Roven, Digital ID system sertu zong an telh chih ve. A chim mi cu Senator pawl nih an cohlang tuk cang caah audit tuah ding hrimhrim in nawl an chuah cawlh

Foxnews ah Sydney Powell nih a chim mi cu President Trump hi kum 4 US President a pehzulh in rian a ttuan tthan hrimhrim ko lai tiin a chim. Hi a chim mi hi ralttha tein a chim ngam mi a si. Kraken an ti mi cu a langter than cang

USA state dangah Dt 31/12/2020 ah buainak fakpi a chuak, Minneapolis ah palik pawl nih misual (BLM) karlakah buainak fakpi a chuak tthan

Palik nih Black Live Matter pakhat meithalin an kah I a thih ruangah khan buainak fakpi a chuak i, atu hi buainak a karh chin in a linsa chin lengmang.

USA ram chungah Civil War a chuak lai ti hi mi tamdeuh zumh ning le ruah ning a si cang. Ralkap hruaitu zong civil war a chuak sual ah cun tiin timh cia in an um dih cang. Kan hmaiah zeithil zong chuak seh kan hnulei ah karkhat zong kan I sip hrimhrim lai lo an ti ve bak cang Source-RTK

Note: Lih le hrokhrawl thawngpang ttial kaa timlo. Thawngpang ka rel mi le mi dangnih an ttial mi credit ka pek mi hna hi Source a hmaan mi a si maw ti ka zoh hnuah mah hi cu a hmaan mi a si tiah ka ti mi hna hi ka miphun a si mi Chinmi caah ka ttial tawn I ka credit mi a si. Natein vulei cung cu tlamtlinglonak Ram a si caah ralring tein ka lak mi ah a hmaan lo mi a un sual kho, palhsual mi zong a um kho mi a si.

Source ka lak mi, a hmaan lo mi a um ti nan theih le nan hmuh a si ahcun zeitik caan poah ah ka theihter kho hraam u law, cun keimah ca zong ah ralrinnak a ka petu a si hlei ah ka source kha thatein ka bih zoh khawh nak ding a si lai caah le thawngpang a hmaan mi le a zik mi lawng ka thlah peng khawhnak ding a si lai caah tiin, zaangfah kan nawl hna.

Thawngpang hmaan lo mi thlahsual lai hi kaphang tuk mi a si caah tiin, zaangfah kan nawl hna. Kaa lawm

Be the first to comment on "Donald Trump caah Foxnews zong nih thawngtha cungcuang an chim ve cang. January Ni 6 phanh lai Cu!!!"

Leave a comment

Your email address will not be published.


*