Donald Trump le Joe Biden Karlak Horkuang A Tthuk Tuk Cang

2020 US election cu a buai tak tak, tu tiang zeihmanh thawngfiang theih ding a um lo, a buai chin lengmang cang ko, mah bantuk in thil a si cang caah ralkap a rak tuan cang mi, hruaitu pawl zong daihtein um an i tim ti lo, an holh thluah mah ve cang, suum an itim ti lo.

The Trump administration pawl nih legal battle hmun dang dang ah Court ah an chuahpi mi cu cohlang piak duh lo in, hlonh piak an si lengmang. Mi tampi nih soisel le thangchiat an si cang. Thil sining dothlatnak tuah hmasa loin mah bantuk hlawnh piak lengmang cu tiah an lungtlin lonak heh tiah an vun chim thluahmah cang

Trump former national security advisor Micheal Flynn Thanksgiving ah Trump nih a ngaithiam/pardon mi nih Trump cu Martial Law hmang cang ding in a ti cang. (mah kong hi Chinpage ah fiangtein ka vun tial cang kha) A chim ning ah cun

“Trump to ‘immediately declare a limited form of Martial Law’.Wants to ‘suspend the Constitution and civilian control of these federal elections. ‘We the People Convention’ calling for martial law” tiin

Mah bantuk in boruak a um lio ah, President Trump’s nominee for a top Pentagon position nih Martial Law kong a vun chim ve cang, Twitter ah a vun tweet ve cang i, A tial ning ah cun

“Trump won & Biden & his Comrades will now attempt a coup. Martial law is not a bad idea’s. tiin. Trump nih Martial Law hmang a tim a cun, thil thalo tuk mi zong a si lo tiin a chim

President Trump nih Electoral College certifies results lawng cohlan a tim, Senior military brass tampi cu politic ah an i hmang duh lo. American election phising nak ding caah Martial law etc maw a tha bik lai zeidah ti hi mi tampi lungput ah biahalnak an ngeih lio mi a si cang.

Martial law hi President Trump nih a hmang tak tak ah cun, hmai lei US ram dirhmun hi zeidah a lawh lai ti hi vawlei cung ramkip nih an zoh cuahmah lio a si. Source-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hmaan mi a si maw ti ka zoh hnuah mah hi cu a hmaan mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hmaan lo mi a um kho mi a si.

Source ka lak mi, a hmaan lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka petu a si hlei ah ka source kha thatein ka zoh nak ding a si lai caah le thawngpang a hmaan mi le dik mi lawng ka thlah peng khawhnak ding caah tiin zaangfah kan nawl hna.

 

Be the first to comment on "Donald Trump le Joe Biden Karlak Horkuang A Tthuk Tuk Cang"

Leave a comment

Your email address will not be published.


*