Donald Trump nih Hmuh Ttha A hmuh Cang Breaking News-thawngzamh nak tuah

USA thawngpang cu a buai chin lengmang cang ko, President Trump zong aa sum duh ti lo, a lungah a um mi poah cu a chim thluahmah ko cang. Tu tiang ka sungh ti a chim duh lo nak ruang cu mah January Ni 6 a vun phanh te tik ding mi kong hi a si lai tiah mi tampi nih an zumh, an ruah mi a si.

Trump nih a chim mi cu, mah bantuk in kum 2020 president thimnak kongah, vote hlennak le lih a tam ning fiangtein tehte a um bu in Justice Department le FBI nih president thimnak kongah zeihmanh thil si ning dothlanak tuah an i timh duh lo mi hi

Mah election hlenthawinak hi US ram, tuanbia ah a ngan bikmi le huattlai bik mi a si lai. Mah bantuk in evidence a um ko buin thil dothlatnak zeihmanh an tuah duh lo mi cu,

FBI le Justice Department caah ningzak tuk mi thil asi. Ningzak cik cek in um hna seh. Tuanbia nih a philh ti lai lo. Kan ngol nem mam hna lai lo. Mi vialte hna, January Ni 6 ah zeidah a tlung ti zoh hna u sih tiin, Twitter le Facebook ah a tial

Joe Biden fapa kong relchap duh mi caah….Joe Biden duh lo tuk mi, Trump nih tuah a timh mi cu a tlung cang lai. Joe Biden cu Nihnih Ni ah a fapa Hunter Biden kong ah media nih bia halnak an tuah, Russia disinformation a si kho lai maw?

Joe Biden nih cozah zong cu a mei in a zulh tawngh cang ko cu tiin a chim, Keimah justice Department pawl nih an tuah ding mi an tuah lai, biakhiahnak le thil sining kongah hruaitu pawl kut ah a um te lai tiin a chim. FBI nih Hunter Biden laptop an tlaih mi a chungah a um mi pawl kongah dothlatnak tuak an ithawk ve cang.

FBI le Justice Department officials nih acting Director of National Intelligence John Ratcliffe sin ah Hunter Biden Laptop chungaha um mi hna hi Russia disinformation campaign targeting Biden a si lo ti fiang tein an chim cang

Attorney General Bill Barr nih Hunter Biden tax affairs dothlatnak kongah special Councel tuah a hau lo ti a chim cang. Republican pawl nih Hunter Biden laptop kongah dothlatnak tuah ding hrim a si tiah an duhnak an langhter cang kha.

Mah kongah President Trump nih Special Councel kong ah a lungput zong fiangtein a chim cang kha. Atu cu FBI Director thar kutah thil zeipaoh a um dih cang caah a rauh hlan ah thil sining cu theih dih a si cang lai

Mah thawngpang hi US mipi nih theih an duh mi le an hngilhnganh bik mi a si. Joe Biden fapa Hunter Biden nih mah bantuk in ramdang he pehtlaihnak a ngeih mi hi Joe Biden Vice President a rak si lio ah thil a cang mi, tuah cang mi a si

Mah Hunter Biden le ramdang pehtlaihnak an ngeih mi kongah a pa Joe Biden zong nih thil zeimawh zat a tuah lai ti hi an zumh ning a si. A rauh hlan ah thawngpang fiang theih a si cang lai, An pafa in thinlung khat tein thil zei poah hi an tuah, tiah an ti bak ko cang hna. Source-RTK

 

Be the first to comment on "Donald Trump nih Hmuh Ttha A hmuh Cang Breaking News-thawngzamh nak tuah"

Leave a comment

Your email address will not be published.


*