Donald Trump nih Rian A rak Pekmi William Bill Barr nih Arian dinh taak lai

Trump dirkamhtu bak a si tiah rak ruah pengmi Department of Justice William Barr cu December 23, in rian a chuahtak cang lai. Zeiruangah dah rian achuahtak lai timi fiang tein langhtermi a um lo. Nain President nih Barr riantuanning a lungtlin tilo caah asi lai tiah an zumh. Zeicatiah, President Trump nih Barr riantuannak kong ah hitihin a rak chim, Zeiruang ah dah thimnak tuah hlanah William Barr nih Hunter Biden investigation result a langhter duh lo, hi hi biatak thlak I point an lak mi le Biden a dirkamhnak a langhtertu a si, an ti. Thaikip ah aa diin cang lai.

William Bill Barr nih Hunter Biden palhnak a thuh piak tiah ati. “Why didn’t Bill Barr reveal the truth to the public, before the Election, about Hunter Biden. Trump nih mah bia achim tlawmpal ah Mr.Barr nih rian ngolnak ca cu President Trump sinah a pek colh. Hunter Biden thil tuahmi hlathlainak kongah William Barr nih The Wall Street Journal  ah a chimning ahcun, Hunter Biden kong hi tha tein hlathlainak fel tein kalpi asi ko, a kal cuahmah ko.

Hunter Biden kherhlainak kongah hlennak le lih, hrokhrawl  aa tel lo tiah a chim. Hunter Biden investigation hi Special Councel John Durham nih a kalpi cuahmah. Caan zeimawzat a kalpi cang nain nihin tiangah Hunter Biden kongah zeihmanh thawngpang theih ding a um rih lo. Mr.Barr nih Trump sinah dinhnak ca a tialmi zohtikah Trump cu a thangthat ngai ngai hoi, Hunter Biden kongah zeihmanh a diklonak alanghter hoi lo tikah thil fiangfai theih khawh asi rih lo.Aa thup thiam ngai nain an zuumkho hrim hrim lo, zumhlonak a kai an ti.

Note: Lih le hrokhrawl thawngpang ttial kaa tim lo. Thawngpang ka rel mi le mi dang nih an ttial mi credit ka pek mi hna hi source a hmaan mi a si maw ti ka zoh hnuah mah hi cu a hmaan mi a si lai tiah ka ti mi hna hi ka miphun a si mi “Chinmi” caah ka ttial tawn I ka credit tawn mi a si.  Natein vawlei cung cu tlamtlinlonak ram a si caah ralring tein ka ttial ka ti ko zong ah Source ka lak mi ah a hmaan lo mi a um kho sual mi a si.

Source ka lak mi, a hmaan lo mi a um, asi tiah nan theih ah cun zeitik caan poah ah ka theihter kho ulaw, cun keiah ca zong ah ralrinnak a ka petu a si hlei ah ka source kha thatein ka zoh khawh nak ding a si lai caah le thawngpang a hmaan mi le dik mi lawng ka thlah peng khawknak ding caah tiak zaangfah kan nawl hna. Ka thawngthlah mi arak ka bih zoh piaktu u le nau nan dihlak cungah thinlung tak in kaa lawm. …

Be the first to comment on "Donald Trump nih Rian A rak Pekmi William Bill Barr nih Arian dinh taak lai"

Leave a comment

Your email address will not be published.


*