Donald Trump nih Twitter Teiruul cham A timh tak tak cang hna

Tu lio Facebook le Twitter nih Trump nih a post mi an tuah ning kong heh tiah mah Chinpage ah ka rak tial tawn kha. Election hlan ah Tech-giant an ti mi Facebook le Twitter nih Joe Biden fapa, Hunter Biden nih tangka tampi Ukraine in a rak hmuhnak kong an post mi cu an cohlang piak duh lo caah censor an tuah kha a si i

Mah Censor ruangah Senate Hearing ah Twitter CEO cu auh le rawih a si khah! Senator Ted Cruz nih fak tuk in a phomh. Election a dih cang. Trump a post mi hna cu dispute an tuah piak peng. Trump zong heh tiah aa sum ve

Natein atu cu aa sum kho bak ti lo a si lai, Defense bill an passed mi, Media nih Trump a sung cang, Trump nih Veto power a hmang ngam lo tiah heh tiah an tial hnuah Trump nih Veto power bak in a thah piak than hna kha a si

Mah bantuk in veto power a hmang nak ruang pakhat cu, Section 230 kong hi a si. Section 230 ah hin Media pawl caah lam kaupi hun piak an si. Natein Twitter le Facebook an thil tuah ning Trump nih a zoh sawh sawh kho ti lo caah Defense Bill ah Veto power a hmangnak a ruang pakhat hi a si

Twitter nih Trump election kong a post mi poah cu dispute an tuah piak lengmang hna caah, Trump nih thil sining a vun phuang ve cang nak hi a si, Aa suum kho ngang ve ti lo

Twitter nih an thil tuah ning cu hruh kawruah thil ti a si, zei ruang ah dah thil hmaan mi hi ngolter an timh hna, Tih nung an si ning an langhter. I timh ciamman in, a hmaan mi zalawngtein chim mi cu thaw chuah kho lo in tuah an i tim

Kan ram caah tih nung tuk mi a si. Mah vialte hi Congress nih a thei lo maw? Mah hi Communism a thawknak hrampi cu a si. Section 230 cu a dawng lai,’ tiin a thinhun nak a phuang in a langhter thluahmah cang. Source-Donald J. Trump (Facebook official)

Be the first to comment on "Donald Trump nih Twitter Teiruul cham A timh tak tak cang hna"

Leave a comment

Your email address will not be published.


*