Donald Trump Sihnee Giulani nih US Mipi Nih Khengchungsa Ei lawng Kan Baa Cang

Georgia official 6 nih vote dik lo in rian tuantu pawl nih an rel mi an hmuh cang tiah thawngthanhnak  fiangten an tuah cang. Donald legal team pawl an i nuam tak tak cang. Rudy nih bank firtu tlaih bantuk an si tiah a  chim

Georgia ah Biden pawl nih vote an fir ti cu fiangtein official paruk nih an hmuh cang caah thawngpang chia ngai a si. Trump caah thawngpang tha tuk mi a si.. Mah vote an rel mi ah hin, Joe Biden nih vote 98% a hmuh i, Donald nih 2% lawng a hmuh!

Rudy nih a chim ning ah cun, Biden pawl nih vote an fir caah Georgia (GA) ah electoral vote cu a dihlak in Trump lei ah pek dih ding a si tiah a chim. Sihni lar tuk mi, muidawh le US mipi nih an uar tuk mi Powell zong aa lawm tak tak tiah theih a si.

Powell nih a chim ning ah cun, statistical evidence le mathematical evidence tha tuk mi le fiang tuk mi kan ngeih dih cang, Biden tei than khawhnak ding caah chance tha tuk mi kan ngei cang tiin a chim. Achim chap mi cu,  A ra ding mi ah caan tha kan ngei,Khengchungsa ei lawng US mipi nih kan baa ko cang,Republican party nan zaa beng u; I lawm u tiah lawmhnak mithmai panh tein a ti hna.

December 14 tiang caan tha kan ngei tiin a chim. Arizona state legislature zong nih a rang khawh chung in Maricopa county ah Dominion voting system dothlatnak tuah ding in independent forensic audit tuah si seh tiah an ti cang.

Mah Maricopa hi vote dik lo mi 300,000 leng an hmuhnak hmun kha a si. Mah buainak State ah official pawl nih an I chim khawh lo ah cun, SCOTUS nih a phisin ding hrim hrim a si ti a si cang. source-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hmaan mi a si maw ti ka zoh hnuah mah hi cu a hmaan mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralring tein ka ttial zong ah Source ka lak mi ah a hmaan lo mi a um kho mi a si.

Source ka lak mi, a hmaan lo mi a um ti nan theih ah cun zeitik caan poah ka theihter kho ulaw, cun keimah ca zong ah ralrinnak a ka pektu a si hlei ah ka source kha thatein ka zoh nak ding a si lai caah le thawngpang a hmaan mi le dik mi lawng ka thlah peng khawhnak ding caah tiin zaangfah kan nawl hna.

 

Be the first to comment on "Donald Trump Sihnee Giulani nih US Mipi Nih Khengchungsa Ei lawng Kan Baa Cang"

Leave a comment

Your email address will not be published.


*