Dr. Anna Sui Hluan thil tuah mi cu Chin mi caah a sunglawi tuk caah a theih mi poah nih chimh lo in um khawh a si lo hi

Tutan Vice President Henry Van Thio Nupi Dr. Anna Sui Hluan (The Second Lady, Union of Myanmar) a thil tuah mi cu a ropui tuk hringhran. Vice President nupi sinak dirhmun in hi bantuk thil a tuah hi cu thangthat lo awk a ttha lo. Nawm char timi hi vawlei Kawlram cu chim lo, vawlei mipi nih a niam ngai mi an hmuh mi a si nain zumtu ttha a simi Dr. Anna Sui Hluai nih cun a hrial lo i zumtu ttha, toidor mi a sinak tu a langhter ti khawh asi.

Dr. Anna Sui Hluan hruainak in KHAWNUM’CONG National Park hmunthur charnak an tuah tiah The Hakha Post sin in kan theih. Myanmar ram Vice President-2 Pu Henry Van Thio nupi Dr. Anna Sui Hluan hruainak le Chin Ramkulh Cozah tawlrelnak in  ASEAN  Heritage  Park  KHAW NUM ’ CONG National Par k (Khonumtung) ah khuami he hmunthur charnak an tuah hi asi.

“Dr. Anna Sui Hluan hruainak in tuah mi a si i Chin Ramkulh Cozah nih kan tawlrel mi a si. Hnawmcharnak lawng si loin Mandala Minn motor lam honnak zong tuah a si lai,” tiah Chin Ramkulh Social Affairs Minster Pu Pau Lun Min Thang nih The Hakha Post ah a chim.

Dr. Anna Sui Hluan telh in Hakha ah kumtlinglo nu ngakchia tlaihhrem khamnak le nu covo dirkamhnak ni 16 chung cawlcanghnak zong an ngei i Hakha khua chung ah lam zong an rak zawh.Credit: The Hakha Post

Be the first to comment on "Dr. Anna Sui Hluan thil tuah mi cu Chin mi caah a sunglawi tuk caah a theih mi poah nih chimh lo in um khawh a si lo hi"

Leave a comment

Your email address will not be published.


*


error: Content is protected !!