Dr Lalṭanpuia Nupi I A Cawlcangh Ning Kong A Chim Mi Cu Tih A Nung Bak Palik Pawl Sin Ah A Chim Mi (+ Video)

Aizawl, Kulikawn veng i a um mi Dr. Lalṭanpuia cu December 9, 2020 zanlei nazi 7:00 tlin hlan deuh hrawngah vanchiat nak a tong. A rian ṭuannak siizung in a tlun hnuah an innchung ah hliamhma tuar in hmuh a si, nam i tuk nak hliamhma a tuar.

Siizung ah an tlik pi colh konain, a hliamtuar loin zan nazi 10:05pm ah a thi. Dr. Lalṭanpuia hliamhma tuar in a hram cuahmah lio zong ah a nupi Mary Zathansangi cu an bathroom chungah kuak arak zu cuahmah ko ti a si.

Innpa nih bathroom innka cu ong ding in an kawh len hnu ah zeiruang ah dah hiban tuk thil na tuah” tiin an hal i, a nupi nih cun a chim duh loh. Hika hi ka chim nak ding hmun a si loh ka chim nak ding hmun ah ka chim than te ko lai tiah a chim an ti.

Palik pawl an phanh hnu zong ah zeihmanh a chim duh rih loh. Palik pawl nih cun “Khawika dah na sawh nak namte cu van la hnik tiah an va luh hnawh i mah hin a si tiah namte cu a rak pek hna.

Palik pawl nih an kalpi lai zong ah namte cu “Khatin tuah hlah uh, plastic chung zong ah chia hlah uh, Catlap in thaten tuam uh, a ti rih hna. palik sakhan ahcun ‘thilzuar duh le duh lo nak kong kan i el tiah a chim. Mary Zathansangi cu thawnginn lei ah an phur i, an nupa karlak i buainak ngaingai cu theihfiang a si rih lo ruangah dohhlat nak an nei than rih lai. (Video)

Credit : Meifar

Be the first to comment on "Dr Lalṭanpuia Nupi I A Cawlcangh Ning Kong A Chim Mi Cu Tih A Nung Bak Palik Pawl Sin Ah A Chim Mi (+ Video)"

Leave a comment

Your email address will not be published.


*