Dr. Ngun Cung Lian nih Aung San Suu Kyi a soisel ning cu a fak tuk cang

Kam ram hruaitu, Myanmar ram a that khawhnak caah a pasal le fa le, kal tak in kum 20 chungah house arrest in harnak a rak tawn mi Aung San Suu Kyi mah bantuk in a soisel i a ti mi cu a fak tak tak. People Media ah Andrew Ngun Cung Lian nih “Aung Suu Kyi nih a rian a thei lo, tutan a thil tuah mi, ICJ ah a va kal i bia a va chim ve mi hrim cu cu ka thinhung taktak. NLD ka huat ruang ah a si lo, USDP Party ka ttanh ruang zong ah a si lo i Chin Party ka duh ruang zong ah a si hlei lo. A ruang cu ICJ ah a va kal i bia a chim mi kha a mah rian a si lo, Aung San Suu Kyi cu Sihne (Lawyer) a si tung lo. Khrihfabu pastor pakhat khi khah bia kan ceih tuah tiah Lawyer ttuanter awk a tthat tung lo. Pastor pakhat khi Biaceih zung ah khah tiah biaceih fial uhsih law thongthlak kan i huah ko lai lo maw? Lawyer nih cun Lawyer rian a ttuan awk a si ko, a si nain a rian lo a ttuan. Hi kong ah UN minung zong nih Aung San Suu Kyi an soisel taktak lawng hmanh si loin an soiselnak bia zong a fak ngai. Interview ah biahalnak an tuah mi zong ah Aung San Suu Kyi IJC ah a kal mi hi zeitin dah na ruah tiah an hal, a leh mi hna cu ICJ ah capo a va tuah menmen bantuk a si tiah a leh hna. A ruang cu a rian lo a ttuan an ti. Cu lawng hmanh si loin US Lawyer zong nih a chim rih, Aung San Suu Kyi nih a rian lo a ttuan a ti ve hoi. A ngai ngai ti ahcun ICJ cu vawleicung biaceihnak zung a si, Fashion va piahnak hmun a si tung lo” tiah a chim hi a si.Credit: Laikokek. Video a ngai duh mi caah>> Video

Be the first to comment on "Dr. Ngun Cung Lian nih Aung San Suu Kyi a soisel ning cu a fak tuk cang"

Leave a comment

Your email address will not be published.


*


error: Content is protected !!