Dr. Pari “Zeidah ruangah mirum cu a rum chin i misifak cu asi fah chin?

Zei ruang dah mirum cu a rum chin i mi sifak cu a si a fah chin? Babal zoh chih in lehnak: Rum le Sifah kong cu chawleh thal mit in kan cuanh hma sa lai. Pakhat cu ngatlaih rian lawng lawng kha phaisa hmuhnak hrampi ah a ruah. Mi dang rian va tuan piak tu (employee) men men dirhmun tiang lawng a ruah khawh caah nitin ei khim bar khim men in a can nih a liam pi i a si fak.

Pakhat cu ngatlaih in a hmuhmi phaisa kha a khawn. Cu a khawn mi cun Amah Pumpak Rian a tuan piak tu (employee) a hlan hna. Cucu (Leverage) an ti. Duh sah tein mi kha tam deu deuh a hlan i a hnu ahcun a rian zong a lian chin chin. Cuti cun a rum chin lengmang. Hi tiang cu biaknak mit in zoh ding a si lai lo.

Baibal ah a Bawipa nih a sal le pa (3) kha a thilri zohkhenh dingah pakhat cu 5000,pakhat cu thong 2000,pakhat cu thong 1000 cio anmah le thil khawh ning cio in a pek hna a ti. A zat cu ai dang nain anmah le thil khawh ning cio in a ti caah thleidannak a ngei lo. An Bawipa a kir tikah phaisa hmannak kha felfai tein a tuak pi hna a ti. Zei ruang ah?

A pek mi hna phaisa a zat cio ahkhan karhter dingah thlaici ai tel. Fangkhat kan hmuh zong, a za kan hmuh ah siseh, a thong in siseh a tlawm a tam ah hngat loin hmuhmi chungah karhter ding thlaici ai tel dih. Thlaici karhter loin kan ei ahcun kan phaisa zal a lawng colh ko lai. Zuh chap hmanh a si lai tiah Baibal nih a ti. Facang cu kan tuh ahcun thla (3) ah theipar kan zun colh. Kan tuahmi thil theipar zun hi a rang tuk.

Pakhat pa cu a khawnmi phaisa khan a mah pumpak rian tuan piaktu mi a hlan i thlaici cu a karh ter caah a rum chin lengmang. Va rum chin lengmang ko seh! Nan ruahnak cio comment nan pekmi cungah kai lawm. Nan comment kha zoh in kan khua ruahning (reasoning) tampi a lang i bia halnak zong hmailei ah kan tuah than te lai.

Be the first to comment on "Dr. Pari “Zeidah ruangah mirum cu a rum chin i misifak cu asi fah chin?"

Leave a comment

Your email address will not be published.


*


error: Content is protected !!