Dr. Sa Sa nih Esther le Benben cu tlamtling te a sawm khawh cang hna. A ropui tuk lai hi

Dr. Sasa nih Esther Dawt Chin Sung kong cu hitihin a chim. Lailenpi Airport Inauguration ah Myanmar Idol Winner asimi Dawt Chin Sung cu ka sawm. Cu ah cun Dawt Chin Sung he caan tawite chung tonbiaruahnak kan ngei. Cu lio ah keimah nih a cungahlunglawmhnak bia achim deuh ding a si lio ah amah Dawt Chin Sung tu nih lettalam in alunglawmhnak bia cu ka sinah a chim diam ko. Kan miphun le ram caah na riantuanmi le na thil tuahmi kong hi tampi ka theih. Nangmah nun hi kei zong nih icawnve ka duh. Na cungah ka lung aa lawm tuk tiah amah tu nih ka cungah alunglawmhnak bia a chim diam ko. Cu lawng si loin Chinland FC nih hlasak dingin an thiah i dir lio zongah keimah upatnak bia a chim rih e tiah Dr. Sasa nih Esther kong cu a chim.

Dr.Sasa nih a chim duhmi cu Esther Dawt Chin Sung hi kanmah Chinmi a si ko nain Myanmar Idol ah Winner a hmuh khawhmi ruangah le Lailenpi Airport inauguration ah kan sawmmi tha tein a ka cohlan mi ruangah keimah tu nih a cungah lunglawmhnak bia a chim deuh ding ka si. Cu tluk Dawt Chin Sung lungput athat le a fim cu ti khi a si. Esther cu Lailenpi Vanlawngtual lawmhnak puai ah sunglawi tein an sawm cang. Amah lawng si loin Runner up Benjamin zong sawm chih a si. Dr.Sasa nih Benjamin a uar tuknak kong zong a chim chih. Atimi cu, Benjamin he zong caan tawite chung biaruhnak kan ngei.

Benjamin nun ka zohtikah ka upat tuk. A biachim ning ka ngaih i zeitlukin dah Pathian aa bochan timi hi fiang tein ka hmuh khawh. Abiachim ning ka ngaih tikah Benjamin cu mi tangdor a si zia zong hmuh khawh a si. Dr. Sasa hi kan theih bantukin Pathian aa bochan tak takmi, thlacammi a si. Tutan ah Chinmi chungin Myanmar Idol ah minthatnak a comi Esther le Benjamin zong upatnak apek ning hna hi uar a um ngai ngai. Zeitlukin dah a cawisan hna ti ah cun Airport lawmhnak puaiah special in a sawm hna. Mah program ah hin Aung San Suu Kyi cu Lialaipi Airport Grand Opening Ceremony Special quest caah zong a sawm chih. Suu Kyi zong mah puai ah hin aa tel lai tiah achim chih. Credit: Daily Chinstar

Be the first to comment on "Dr. Sa Sa nih Esther le Benben cu tlamtling te a sawm khawh cang hna. A ropui tuk lai hi"

Leave a comment

Your email address will not be published.


*


error: Content is protected !!