Dr Sa Sa nih UN leiin bawm nak ka hmu lo zongah lam tampi a um ko tihi mipi pawl theihter kan duh hna

Dr Sa Sa nih UN leiin bawm nak ka hmu lo zongah lam tampi a um ko tihi mipi pawl theihter kan duh hna

Dr Sa Sa cu BBC new nih bia hal nak an tuah nak hitihin a chim

Biahal nak -Nizan UN meeting ah zei thla nan hal mi pawl

Bia leh nak-
tu cu Kan thei bantuk in bia fiang cu thei a si rih lo caah hngak rih cu ahau ko
Kan hal mi hna cu
1nak ah hriamnam a ngei mi party nih hriamnam a ngei lo mi mipi cu an thah an vel lengmang hna tik ah kawlram mi zonghi vawlei rammi an si ve caah kan him khawh nak hnga himnak kan duh

2nak ah kawl ralkap sin ah zeiram hman nih hriamnam kan zuar piak hlah u

3nak ah Min Aung Hlaing le a minung pawl visa pek lo dingin le an mah he a peh tlai mi company vilate zong khar piak dih ulaw ti kan duh .

Bia hal nak -Nan i timh bantuk in a tlamtling lo mi kongah zeitin na ruat ning

-Ramkip UN meeting a si tik ah Russia le china an i tel ve lai tihi cu philh awk a tha lo .
kan ram tuanbia ningin kan zoh than si cun an nih cu ralkap pawl lawng he sipauizii pawl a tuah tti peng mi an si ve caah
kan rak tuah ding pakhat cu china minister le Russia an Minister le UN president he meeting tuah hlan ah hin pumpak hmaiton tein bia i ruat tti nak ngei usih law a rak tha tuk lai , nain tulio cu kan nih zong kan duh ning bantuk in thil kan tuah khawh lo mi a tamtuk ve a ruang cu Ralkap party pawl nih kan hnu leiin a kan dawi peng ve caah .

ka thei ning ah cun Isreal ram ah hiban tuk lei a thiam mi pensen a lak cang mi pawl cu phaisa an pek hna i UN lutlai pawl cu mah kan hal mi pawl hi pek lo dingin an chimter hna tiin kan thei .

UN ah kan nawl lengmang ko hna nain kan i ruatchan bantuk in a si lo si cun ICC ( International Criminal Court ) leiin Min Aung Hlaing le a tang ummi bawi le pawl tlai khawh nak caah kan i zuam lai .

Russia le china he tha tein chawn biak khawh nak dingah cun A rau hlan ah mipi nih hna tlak mi cozah pakhat kan dir a hau ,cu hnu lawngah china le russia zong hi tha tein biachim tti khawh nak kan ngei lai ,si lo cun tulio cu cozah rian tuan tu tam deuh hi cu ralkap lei an i tel caah russia le china hi an mawh ve lo nak a si

Mipi nih hna tlak pi mi cozah kan ngei hnu ah china le russia zong tha tein kan chim hna lai i zeihman ah a kan tuah piak lo i ralkap party he an i komh peng rih ko si cun ICC he kan tuan tti cang lai
kawlram hi ninikhat ah cun free ram a si te lai i khi tik ah Russia le China he cun kan i komh rih ko lai ti hi cu chim khawh a si lo tuanbia ( an tuah ser nak ) nih bia a chim te lai

Zeitin kan colhcang ning si lai tiah cun
cozah kan ngei hnu ah cun Government to Government in kan tuan cang UN lei he a san tilo i ASEAN he zong a san tilo .
ASEAN ram hman ah Russia le China nih cun an mah ram chung mi buai nak a si tiah a kan ti ko nain ASEAN chung um Singapore, Malaysia,Indonesia pawl nih cun hihi zoh sawh sawh dingmi buainak a si lo ti mi an thei fiang cang , tuzong hi nitin te pehtlai nak zong kan ngei lengmang hna

Kan thei bantuk in Vawlei cung ah hin ram 200 kan um i mah ram 200 chungah hin ram 150 nih kan sin lei antang si cun Puai cu a dih cang ko chim ding a un tilo


Cu caah mipi pawl theiter kan duh mi hna cu tuhi kawl ralkap cu ramdang zong nih dan tat nak an tuah mi hna hi UN le ASEAN he hin a san lo an mah Government to Government in an tuah mi thil a si cu caah UN le ASEAN nih a kan bawm duh lo i a kan zoh sawg sawh peng ko si cun Government to Government lam in kan i zuam lai i teinak cu kan hmu hrim hrim cu caah nan lung hrimhrim rak dongh hlah seh tiah a chim

Sources-BBC New

Be the first to comment on "Dr Sa Sa nih UN leiin bawm nak ka hmu lo zongah lam tampi a um ko tihi mipi pawl theihter kan duh hna"

Leave a comment

Your email address will not be published.


*