Dr. Sasa Nih Chin Party Cu Tuahkhawh Mi A Nei Tlawmtuk A Timi Kongkau Ah Mai Cheery Zahau Nih A Leh Mi

Dr. Sasa nih tlangcung mi party siseh Chin party nih a ti khawh mi a tlawm tuk, a tenau tuk, NLD ah lunglomh nak biachim ding kan nei a timi pawl cu Mai Cheery Zahau suh a si i a tanglei bantuk in, Dr.Sasa i a chim mi pawl cu lehnak a neih.

Mai Cheery Zahau nih cun “Cozah dirh kho tu Party lawng vote uh law tlangpar party ti bantuk cu vote duh hlah uh an tenau tuk titu cu Federal konglam a theifiang taktak lotu le Federal a zum lotu tiah ka ruah. CNLD kan chim.mi cu Myanmar rampumpi ah cozah kan dirh lai timi a silo i Chin ramkulh chungah cozah dirh kho dingin kan i zuam lai timi a si.

Kan chim lengmang mi Federal cu kan chinram chungah chimh khawh nak kan neih khawh lai. kan konglam i ceihti khawh nak kan nei kho lai. Kum tampi kan rak chim cang i, Federal a hman mi he Chin mipi hrang ah riantuan kan duh. Mah cucu mipi lei nih rak kan theihpi ve uh tiah kan in sawm mi hna a si.

Chin ramkulh ah cozah kan dirh khawh a siah cun, ram kongkau, phunglam kong, chawva kawlning le, pehtleih nak kong ah sullam ngeitein rian kan tuan kho lai. A si khawh ah cun, ram kongkau, phunglam kongkau, Tu ah cozah dinh rih lo buin, lenglei ah kan tikhawh ning cio in rian kan tuan i, pumpak i kan tuanmi cio cu chin mipi hrang ah a thahnem tuk mi a si.

“Lunglomh nak biachim timi cu, leiba neitu le a petu karlak ah a um lai. Kannih Chin mipi nih kawl le NLD lakah leiba kan nei loh i lunglomh nak biachim ding a um loh. Sal dirhmun in NLD nih an kan chanhchuah nemmam loh i, an sin ah lunglomh nak biachim tiangtiang hau ding in leiba kan nei loh.

Kan damloh i sii ai an kan pek. asilole kum khat daih ,thla tel daih ti bantuk i eidin an kan pek a siah cun, lunglomh nak chimnding cu kan si. Asinain kum 5 chung NLD nih cozah a tuanchung ah zeidah lunglomh nal biachim ding cu kan neih?

Asilole,Chin NLD pawl nih sinak an kan pek ruangah lunglomh nak bia chimding kan nei an ti khawh men,sinak cu midang nih an kan pek ding mi a si loh. Miphun pakhat ram nei mi kan si ah cun hruaitu sinak cu kanmah i kan pek dingmi hna a si.

President, CM ti bantuk cu halzong hau loin kan neih ding hrimhrim a si. Kannih CNLD nih cun miphun pakhat le ram nei mi kan sinak in kanmah ten kan i hruai kho timi kan aupi lio ah CHIN NLD pawl cu midang i pekmi sinak men ah an lung ai lawm ko.

Cherry Zahau- A Chin Human Rights Activist, Feminist and Politician

Kannih nih cun midang pekmi sinak men ah di a riam loh,mahte i ai hruai kho mi kan si. bangran in covo neih ding a biapi, kan holh, kan ngandamnak , chawva kawl ning le, pehtleih nak kong mahte i ai buaipi kho mi cu, midang i ainak pek. Mah cu lawng ah a kenkip in thangcho ding kan si timi cu kan chim lengmang nak a si. Sinak hmete an kan pek mi men ah a ngah loh.cunak in a herh mi tuahding tam deih kan nei.

Curuangah cozahpi a dirh kho ding lawng vote ding ,tlangcungparty pawl cu zeihmanh an ti kho loh. NLD ah lunglomh nak biachim ding kan nei a titu pawl cu miphun pakhat i covo theifiang lohle hazang a cakmi party rinhchan in tlangcung party nautat a duh hrimhrim mo thinlung nei mi an si lai tiah ka ruah. Kan miphun kan ram thangcho dingah miphun dang rinchanh a ngah loh.

Chin TV-Interview with Mai Cherry Zahau@Tuan Cer Sung(CPP)Pyituh Hluattaw  MP Candidate - YouTube

kan miphun kan ram than cho nak cu kanmah te tuah dingmi le kanmah i zuam dingmi a si. Mahcu hram si dingah Politic a hau i CNLD a dir nak chan a si,” tiah a ti. ( Mah hi cu CW nih October 20 zan ah Mai Cheery Zahau bia hal nak a nei i Dr.Sasa chim mi he bia a hal mi a si)

Credit : VAPUAL AUAW

Be the first to comment on "Dr. Sasa Nih Chin Party Cu Tuahkhawh Mi A Nei Tlawmtuk A Timi Kongkau Ah Mai Cheery Zahau Nih A Leh Mi"

Leave a comment

Your email address will not be published.


*


error: Content is protected !!