Dr. Sasa nih “Daw Aung San Suh Kyi hi Myanmar ah rakir hlah sehlaw Myanmar ram cu ai rawk thlu dih cang lai falam hruaitu chuaikhat sin ah a chim

October 25, zarhpi ni zanlei nazi 5pm ah Falam hruaitu cheukhat le Dr.Sasa cu biaruah ttinak an nei i an biaruah mi pawl cu a tlangpi in tarlangh a si. hi biaruah nak ah hin Falam hruaitu lejin sayakyi Aa Khuai ,Pu Lian Cung Nung, Salai Van Ro Tiam , Pu Pate , Salai Cung Aung le midang pawl an si hna. Dr.Sasa nih a tuanbia tlawmpal a chimh hna hnu ah falam hruaitu lei in an thinlung in an ruahmi bia chimnak an ngei. an biahal nak a tampi ko nain Dr.Sasa nih a lehnak hna lawng tarlangh a si.

Dr.Sasa nih “Daw Aung San Suh Kyi hi Myanmar ah rakir hlah sehlaw Myanmar ram cu ai rawk thlu dih cang lai. Iraq ram ,Afghanistan le Siria ram pawl zoh uhlaw ram chia taktak cozah 30 hrawng ummi an si. Pakhat nak ah Daw Aung Suh Kyi Myanmar ah rakir hlah sehlaw Myanmar a chiatnak cu a sau tuk cang lai. Pahnih nak ah amah rakir hlah seh law ralkap nih zeitluk tiang in thla ankan uk hnga? kan ram ah party pahnih lawng a um,Democracy duhtu party ,Federal duhtu party le duh lotu party a si.

“Miphun party ,ramri party ,khua party ti bantuk in zeitik hmanah ram a thatpi kho lailo i dirhmun sang a phan kho lo. Miphun rumro i hruhpi loin Democracy hmuitinh hmasa u sih. Democracy lawngah caantha kan nei. Miphun biahla ,ramri biahla siseh zeipoh a si ah Democracy diktak kan duh hmasat a hau. Falam ,Hakha Tedim ti bantuk buaipi caan a si lo.
“Miatnak duh ah NLD a ttan tiah anka puh asi ahcun ca felfai kengin Court ah kan kal lai,an ngam ahcun rak chuak hna seh. Zohmanh pumpak hlawknak in party ttanhmi kan um lo. Kan ram kan miphun cu thlanhri pawt le thazang chuah in a bawm pengtu deuh kan si. Politics ah ka lut timi zong Chinram a thancho chin chin khawhnak dingah caantha pek duhmi ka si. Chinram ah catang sang siangin 1 lawng kan nei i politics ka luh ruangah catang sang siangin 9 neih ka duh. Chinram ah Airport pahnih kan neih lai i politics ka luh ruangah Airport 9 neih ka duh. Hi bantuk pawl cu Chinram thancho le caantha pek ka duh ruangah a si.

“Mahte i uk nak ,mahte i tthithruai nak cu Federal chungah a um. Federal cu Democracy chungah a um. Democracy felfai hmuh loin Federal hmuhkhawh a si lo. Cuch Chin mipi kan zaten kan theihfian dingah ka duh. Cu rualrual in tthancho nak, fimcawn nak, ngandam nak ,pehtlaih nak pawl zong zeirel loin kan kaltak awk a si lo i kan ttuan pah chih tthiam lai.
“Chinram le miphun hrang ngandam nak siseh fimcawn nak in tampi ka ttuan cang,tu ah Online in a ka thangchiat tu pawl hi zeidah ttuanmi an neih? Mah le in chungkhar hmanh a cawm kho lomi le a zohkhenh kholo mi pawl nih ka thang ka chiat len hlah uh, ka doh duh hlah uh, siahngak chis1000 ka nei, Sayakyi Aa Khuai upatnak kan pek,,kan upat tuk lawlaw. Online i tachet i a hong au khuang mipawl , zeidah miphun le ram caah tuah khawh mi nan neih?

“A ka nautat i, ka thang aka chiattu pawl rampi huap cozah si loin vulei cung mibu rianttuan nak pical tak miah kum 13 chung a rak hruai cangtu ka si. Onine i ka thang a ka chiat tupawl minung hna hi American palai he bia ruahter hna ka duh ngai. Minute 1 pin biachim awk an ngeih ka zum lo.American palai ,British palai le hlutdaw ah nazi 1 chung chimlo kum 13 chung bia chim mi le ,a holh pengmi ka si. Curung ah miphun thlau le a miat nak kawl tiah a ka titu pawl cu vulei Cung hruaitu pawl hi minute 1 chung hrawng bia ruahter hna ka duh.

Ka tonmi le ka hmuhmi a tamtuk cang, cathiam mifim ka si,cutin khatin tiah rakka ceih peng hlahuh,vulei cung hruaitu dang hmai i minute hnih khat chung hmanh bia a chim kholo ding pawl nih lih le hrokhrawl in nan ka puh lengmag awk a si lo, Kan chimh hna lai, phung hrampi remh a si hlanchung ah Chinram thancho nak hrang ah Rampi cozah Naypidaw he rianttuan tti a hau. Chinram ah company pakhat khat kan dirh duh asi cun President sinah siannak kan hal hmaisa a hau.

“Mithiam sang pawl nih tukum thimnak ah NLD nih a tei tuk pali lia lai tiah an chim cang. Curuang ah NLD nih president a ttuan lai i MP le CM pawl zong amah nih a thim lai. Cuhna pawl hecun rian kan ttuantti a hau. Khua ,ramri le miphun ti bantuk cun rian kan ttuan kho lo, teinak a hmuh lai ti kan fiang cang ,zeica dah kan buai peng Chinram thancho nak hrang president ttuan khomi Party he rianttuan tti a hau e,” tiah a ti.

Be the first to comment on "Dr. Sasa nih “Daw Aung San Suh Kyi hi Myanmar ah rakir hlah sehlaw Myanmar ram cu ai rawk thlu dih cang lai falam hruaitu chuaikhat sin ah a chim"

Leave a comment

Your email address will not be published.


*


error: Content is protected !!