Driving License A Siamter i A Hmanthlak Tar nak Zawn Ah ‘Thutden” An Rak Tar Piak A Complain Hna i A Mah Caah Lomhnak Tu A Si

US,Tennessee i a um mi nungak Jade Dodd nih cun online in a driving license a renew i zarhkhat hnu ah a ngah i ai lawm taktak .Asinain a hmanthlak tarnak zawn ah a hmanthlak tar lo in thutden tu an rak tar caah a khuaruah har tuk .

DMV ah a va kal than i counter i a thumi sin ah “Ka driving license hi tuahthan a hau” tiah a pek .Counter i a thumi nih cun capo men ah a ruah i a rak zohpiak i an computer chung ta he a zoh tti tik ah cun “Ohh! ka manager auh hau” a ti colh .

Cuti cun thil umtu ning an hlaihlai tik ah Tennessee Department of Safety and Homeland Security pawl nih an rak ti sual mi a si cu an i fiang i cu nu sin ah cun ngeihthiam an hal than . Jade Dodd nih cun ” Nan tisual mi hi a poinak a um lo , tulio covid boruak lio ah a ka nih ter lehlam , ka riantuan tti hawile pawl zong an nih chuak tuk ve ” tiah a leh hna .

An pu le zog nih an office ah an rak capo tawn i thutden an hmuh poah ah ‘Ee.. nangmah na si lo maw ?tiah an capo lengmang i an riantuan nak zong ah an i nuamhnak pakhat bantuk tu a rak si ve . Nikhat ni ah a driving license cu a ngah than i a hmanthlak tar nak zawn ah cun thutden an rak tar piak ti lo i a mah hmanthlak te cu an rak tar piak cang .

Source : Dailymail

Be the first to comment on "Driving License A Siamter i A Hmanthlak Tar nak Zawn Ah ‘Thutden” An Rak Tar Piak A Complain Hna i A Mah Caah Lomhnak Tu A Si"

Leave a comment

Your email address will not be published.


*