England ram cu a sualtuk cang, rammi thinphang in an um cang.

England ram ah Coronavirus cases thar hmuh mi hna an karh , nikhat ah minung 4200 renglo nih covid-19 zawtnak an kai, voikhat ka minung 15o0 coronavirus a kai mi an hmuh hna i , minung 0.07percent nih sizung an panh cang, kan hnu zark ah khan UK prime minister Boris Johnson nih a khauhhnih nak coronavirus cu a voikhatnak nakin a sual deuh te lai tiah a rak thanhchung cang hna a chim bang in a tu hi a si taktak ko cang.

ONS date nih a langter ning ahcun mitampi cu coronavirus an ngei ko nain hospitals le inn zong ah an i zohkhen lo an community cio le group cio ah hmun khat tein caan an hmang ti ko caah a tu hi bantuk in Covid-19 a karhnak a si tiah a chim. ONS hna nih UK ram um mi hna cu an inn ah kal hnawh in case an ngei maw ngei lo tiah , a check cuahmah lio hna an si.

Health department nih a langter ning ahcun nizan lawngte hmanh ahkhan minung 846 a kai thar mi an si i, cu zong cu kan test mi hna lawng kan theih khawh mi hna a si , test lomi zong a kai mi tampi an um ko lai tiah zumhnak kan ngei tiin an chim. Fox News.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "England ram cu a sualtuk cang, rammi thinphang in an um cang."

Leave a comment

Your email address will not be published.


*


error: Content is protected !!