Esther cu atla mi thutnak (bottom 3) ah thutter a si; A ruang bik cu

Esther cu ruah lo pi in bottom 3 ah an tthutter, mah bottom 3 ah an thutternak ruang ah mi tampi cu thingphang ngai in an um i, Esther cu atla sual lai tiah an phan, natein, hi hi judge pawl nih an rak tuah cia mi a si. Top 3 hlan poah cu an zaah tein bottom 3 ah an thut dih lai ti kha an rak tuah cia mi a si.

Thawngpang dang>>>>>>>>>>>>

Rihnak sivai ruangah a si lo, Ameirican Idol ruangah theih hngalhmi a si, sihmanhselaw, tuchunni ahcun rihnak sivai ruangah vawlei nih a theih hngalh tthan cang, a tuahsernak ruangah kan theihning cu lungrawk ngaingai a si.

American Idol zongah a rak i tel tawnmi nu Antonella Barba cu, rihnak sivai a phorhmi 0.9 kilograms tluk rit a simi Fentanyl ruangah kum 4 dengmang thawng tla dingin dantatnak pek a si. (Fentanyl hi sii phunkhat a si, zawtnak cheukhat caah hmanmi le rihnak caah mi tampi nih an hmanmi a si) Virginia federal nawlngeitu pawl nih November 21 i an langhterning ahcun, kum 32 upa Jersey nu hi Federal thonginn-ah kum 3 le thla 9 chung thong tla dingin datnatnak pek asi.

Hibantuk dantatnak an peknak a ruang cu, liamcia July thla-ah khan sem dingin a phorhmi fentanyl (gram 900) cu a kut in tlaih a si caah a si. Fentanyl hi rihnak sivai zongah a tthawng bakmi a si, an chimning ahcun, rihnak sivai a tthawng bakmi Heroin naak in a tthawng deuh tiah an chim.

Antonella Barba hi Reality show in theih hngalhmi a si, tuchunni ahcun amin zong a thang bak cang. “American Idol” in mi tampi nih an theihnak a ruang bik cu a si, “Fear Factor” zongah khan a rak i tel cang. Micheu nih cun an duh tuk ruangah “American Idol Star” tiah a min tiangin an bunhmi nu a si.

Mi pakhat nih Norfolk ah Fentanyl tampi vun pek a timh timi biathli cu palik nih  an theih caah dothlatnak an ngei, an dothlat tikah a ngeitu cu “Americal Idol Star- Antonella Barba a rak si tiah an theih, cucaah, fentanyl rihnak sivai he an tlaih. Los Angeles in a inn a vun phak bakah palik nih an rak tlaih colh. Tuchunni ahcun, thonginn chungah rawl ei dingin dantatnak pek a si caah Reality show in a dinh a hau cang lai.

 

Be the first to comment on "Esther cu atla mi thutnak (bottom 3) ah thutter a si; A ruang bik cu"

Leave a comment

Your email address will not be published.


*


error: Content is protected !!