Esther le Benben Caah Thawngpang Tha Tuk Mi; Australia fan pawl an nih nuam tuk cang

Australia Ram Meikangh Bawmhnak Hlasak Puai Caah Esther Dawt Chin Sung & Benjamin Sum (Myanmar Idol 2019 Winner & Runner Up) Sawm An Si: Pu Sang Hre He Biaruahnak tamdeuh in hun ngai ve.

Australia Chin Community hruainak in Australia ram mei kangh ruang i inn le lo chuah tak in harnak a tong mi hna ca ah Esther Dawt Chin Sung le Benjamin Sum nih March 13 Melbourne ah concert an tuah lai tiah kan theih.

“2020 March 9 ah Yangon in kan i thawh lai. Kei tu hi cu concert a dih thaizing in ka kir colh lai. Atu bantuk in harnak a tong mi hna ca ah bawmhnak va pek khawh le va tawlrel piak khawh ding dirhmun ah ka van dir ca ah ka nun di a riam kho taktak. An kan sawm tu hi Australia ram um kanmah Chin Community nih a kan sawm. Chin Community nih an chim ning ah cun concert kan tuah lai i, kan hmuh mi tangka le hlan i bawmhnak an rak kawl cia mi tangka he fonh in Australia cozah pi sin ah kan pek lai tiah an kan ti. Hi kan concert a tlam a tlin khawhnak ding thlacamnak zong in rak kan bawm ve uh,” tiah Myanmar Idol Season 4 1stRunner Up Salai Benjamin Sum nih The Hakha Post ah a chim.

Australia ram mei kangh hi 2019 November 19 in aa thok. A inn in a kangh chih mi hi inn 50 leng a si i, Koalas timi saram 2000 an thi. A liamcia kum 2009 kum zong ah fak taktak in ram mei a rak kang bal cang i, minung 173 an thi cang. Ref- SSB Hakha Language and Hakhapost

Be the first to comment on "Esther le Benben Caah Thawngpang Tha Tuk Mi; Australia fan pawl an nih nuam tuk cang"

Leave a comment

Your email address will not be published.


*


error: Content is protected !!