Esther le Benben nak in Lai David pakhat long hi uar um deu; Aruang cu- Lairam Dawtu

Mah ca ttialtu Lairam Dawtu nih ca a ttial mi cu uar um bak, a dik tuk mi a si fawn. A ttialtu lungput zoh ah cun a hman bak ko, atu kan chin ram dirhmun zoh ah cun AA pawl nih an duh duh bantuk in kan chin ram chungah raltuk in kan chin ram lak an nih tim. Mah bantuk in thil a kal lio ah David Lai hi mah bantuk in Paletwa pawl caah hlasak in kutdawh dirhmun a vun phan mi hi thatein kan ruah ah cun Chin ram caah a thil tuah mi hi a sunglawi tuk hrinhrang ko. Esther le Benben nih mi ralzam pawl le atu lio harnak a tawn mi pawl cu tangka tampi in an va bawmh ko nain David Lai thil tuah bantuk in cun mual a ngeih lo

David Lai thil tuah mi ruangah kawl minung tampi le mi tampi nih Paletwa hi Chin ram chungah um mi a si ti kha an vun theih fiang chin chin lai i, cun AA pawl nih Chin ram chungah an duh duh in an cawlcang ning le an thil tuah ning vialte kha an theih lai. David Lai nih Paletwa pawl caah kutdawh in hla a sak lio ah tangka bawmhnak a pek tu pawl hna nih an pe sawh sawh lai lo. Zeidah a ruang a si ti kha an lungput ah a um lai. Hlethlainak an tuah lai i, mah Video live in a zoh mi tampi lungthin ah Paletwa pawl harnak a tawn mi hna kha zaangfah nak an ngeih chap lai i, bawm duhnak lungput an vun ngeih thluamah lai cucaah David Lai thil tuah mi le atu Chin mi chungah kan  milar pawl thil tuah ning zoh ah cun David Lai nih a tei cik cek hna. David Lai bantuk in midang zong hi cawlcang ve hna seh ti hi ka lungput  le ka saduhthapiak mi an si- Lairam Dawtu

1 Comment on "Esther le Benben nak in Lai David pakhat long hi uar um deu; Aruang cu- Lairam Dawtu"

  1. Judahmi i David nih Quitar tumin a hlasaknak nih Siangpahrang Soul lung hna a ngamhter bang in Lai David hlasaknak nih kan unau Paletwa mi an hna ngamter ve hram seh!!!!!!!!!!!!!

Leave a comment

Your email address will not be published.


*


error: Content is protected !!