City Loft ah Esther nih laksawng a hmu mi a inn an pek lio ah a inn kong a chimh mi le a hawi le nih lawmhpi nak bia an chimh mi

Laksawng a hmuh mi inn an pek lio ah a hoi le nih lawmhpi nak bia tampi an chimh ve. Esther hi mi lungthin tha tuk mi a si, a inn kong zong mipi theih ding in a chimh cang.  Myanmar Idol season 4 winner Esther caah laksawng, inhnak khan pahnih umnak apartment cu tlamtling tein a kut ah pek a si cang. Myanmar Idol ah Esther nih record pahnih a tuah i, cu hna cu, Nu lei ah Idol winner hmasak bik a si i, cun State chungah Idol in Myanmar Idol a si hmasak bik a si fawn. Esther laksawng an pek mi cu theih dih a si cang.

Kan chimh ti lailo, mipi nih theih an duh ngai mi pakhat Yangon ah apartment inn, ihnak khan pahnih umnak cu tlamtling tein a kut ah pek a si cang. Mah hi an chimhning ah cun kyat in ting 1200 a si. Atu apartment an peknak inn hi kawl mirum pawl umnak a si caah aman zong hi a tam ngai lai tiah an chimh mi zong si.

Esther hi mah bantuk in inn laksawng a ngah mi kong ah Chin mi sin ah bia a chimh mi; Esther winner a si mi hi cu Chin mi caah thluachua bak a si ko. MMID season 4 ah winner a ngah tu Esther nih Idol laksawng a hmu mi yangon ah a inn kong a chimh. Kanu hi damlo ve mi a si caah, damlo bu in mi inn ah um a har ning a theih fiangtuk mi a si. Cucaah Chin mi damlo ruangah Yangon a kal mi poah nih nan duh ah cun ka inn hi ah free bak in nan um khawh tiah a chimh.

Be the first to comment on "City Loft ah Esther nih laksawng a hmu mi a inn an pek lio ah a inn kong a chimh mi le a hawi le nih lawmhpi nak bia an chimh mi"

Leave a comment

Your email address will not be published.


*


error: Content is protected !!